Assalamualaikum. wr.wb.

Forum nan sarupo iko, paralu dihiduikkan, Agar supayo anak dan kamanakan awak mangarati jo adat dan budayonyo.
Sanak dikampuang dan jo nan saparantauan, iduikkanlah forum adat dan budayo iko, nak kambang dan nak mambuek adat awak bana-bana tasabuik " adat nan idak lakang dek paneh dan dan indak lapuak dek hujan".

Dalam masalah kawin sasuku, indak paralu awak risaukan bana, dek karano alah ado panyangga adat awak bahwa adat nan basandi syara` dan syara` basandi kitabullah.
Kalau awak paturuikkan pula larangan kawin sasuku .. ondeh... ibo ambo jo kamanakan-kamanakan padusi ambo. sabana barek baeko jodoh no.. Kok iyo nan gadih padusi dapek jodoh jo nan sasuku, taruihkanlah...
Nan tabu sampai kiniko. iyolah katiko padusi jo laki-laki bajodoh sanak saibu, atau sanak anduang. baa sakirono, sanak saparuik ? anak padusi jo laki-laki nan saparuik - bajodoh - pajdihkan sen lah...
Kok iko pulo awak larang-larang perjodohan anak padusi jo laki-laki dek karano saparuik, mako murka pulolah Allah SWT terhadap ulah kito... Karano jodoh manusia itu adalah kuasa Allah SWT.

Pandapek ambo iko untuak manghidupkan forum iko...

Wassalam,

Pisau gadang pisau tambatu. Dibaok urang ka taluak bayua. Di makan anak dari salido. Rumah gadang basandi batu. Adat basandi alua. Alua nan kaganti rajo

Assalamualaikum Wr.Wb

ambo bukan cadiak pandai
ilimu di tuhan tasimpanyo
kok senteng tolonglah bilai
tando kito sa andiko

Ampun sagalo niniak mamak
nan gadang Basa batuah
kok salah maaf dipabanyak
nan kadim hanyo sifaik Allah

Ambo mancubo untuak memberikan pandapek di diskusi nan saroman iko,kok adat nan ndak buliah dilangga iyo adaik nan sabana adaik,adaik basandi sarak, syarak basandi kitabullah.nan itu yo ndak bisa awak langgar.

Adat nan tak lakang dek paneh, tak lapuak dek hujan,
dianjak tak layua, dibubuik tak mati,
dibasuah bahabih aia, dikikih bahabih basi.

tapi kok adaik nan baralek/kawin ko di masukan ka adaik nan taradaik,dari ma adaik ko bamulo yaitu atas ado kato jo mufakat,kato surang dibulati kato basamo di paiyokan yang dibaok duduak baiyo.jadi iko berdasarkan rundingan-rundingan niniak mamak awak dahulunyo.
bukan berarti iko sebagai pembatasan untuak menjalin perkawinan sa suku..dek dulunyo sajo iko lah di baok baiyo dek niniak mamak jo datuak-datuak wak nan dahulu...ndak ado salahnyo klu terjadi kawin sasuku di awak, baa kok ndak dicubo mambaok kato jo mupaik baliak...sebab baa..??
baa kecek urang duduak surang basampik-sampik duduak basamo balapang-lapang..mana tau didalam parundingan itu awak mandapek kato mupakaik..nan hasilnyo lamak di awak katuju dek urang...

mungkin itu sajo nan bisa ambo sampaikan..
kok ado masukan dari niniak mamak nan lain mungkin bisa sebagai pembelajaran bagi kami nan mudo-mudo.

labiah dan kurang ambo mohon maaf
Wassalam.

assalamualaikum Wr.Wb.

dek mambaco tulisan uda-uda dan mamak-mamak...
awak pernah batanyo di kampuang awak surang...
buliah dak awak kawin sa suku
kecek datuak" jo mamak" tu mode iko...
dek karano kampuang awak kampuang 4 suku nan ketek nah kalau awak kawin sasuku buliah, indak masalah do asal indak sanak kanduang...
ciek lai...
awak acok juo mancaliak d kampuang awak nan kawin sarumah
contoh anak mamak awak nikah jo anak etek awak...
kalau dak salah namonyo pulang ka bako....

sekian nan awak ketahui
kalau ado salah tolong di paluruih

wassalam

zakie_chaniago
kampuang rao-rao "batusangka"

Boleh ,,, ortu saya suku Chaniago dari ketua berbeda... jadinya saya ada 200 persen suku Chaniago dan anak padusi saya 100 persen Chaniago ... dengan itu saya ingin cari kalau ada yang seperti saya dari suku Chaniago atau lain yang kedua orang tuannyasa suku.