Assalamu'alaykum w.w.
 
Karano alah tibo ulak jo alai
Dari urang nan basamo
kapatang ko alek baru usai
Nan kini ka Bagurau manjalang Puaso
 
Insyaalah, akan diadokan acara "Bagurao Manjalang Puaso", pado hari Rabaa (rabu) tanggal 5 September 2007, batampaik di Halaman RRI Bogor, Jalan Pangarango No. 34, Bogor, mulai pukua 7 malam (19.00) sampai salasai.

Kok mancaliak ka nan sudah, nan ka maisi acara rasono iyo lai banyak, baiak nan klasik, maupun nan POP, tamasuak pulo ka ba KIM (Kuis Irama Minang)
Kalau ba KIM bukan untuak mancari pitih, tapi labih ditujukan ka pado baguraunyo. dan acara indak formil-formilan doh, sabana bagurau, buliah sato manyolo, buliah sato badendang, buliah sato bagoyang gamad, sarik basuo jarang batamu, nan manonton gtatissss... alias Perai......., kok ka makan bayia surang surang, nan minum aia putiah lai basadiokan.
 
Acara nan lain adolah : Gamad, Saluang, POP MInang, Rabab
 
Insyaalah lai pulo tasadio Martabak Kubang (Mesir) , Katupek, Sate, Soto, Lapek bugih,
Salalauak dlsb
 
Kalau lai pulo kiro-2 nan ka dilewakan, buliah pulo tu, disampiang masyarakat nan tibo, tantu didanga pulo dek masyarakat malalui RRI 1242 AM jo 93,75 FM.
 
Mungkin sakitu dulu, labiah kurangno, mintak rila jo maaf
 
Wasssalamu'alaykum w.w.
 
 
Bandaro Labiah

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!