Allahu Akbar.
Kaum Fukaha mangatokan "Kahirunnnas Maiyan Fa’unnas" aratinyo sabaik-baiknyo manusia adolah nan bamanfaat bagi manusia nan lain. Mukasudnyo iyolah kahadiran kito dalam masyarakat handaknyo jadi sitawa sidingin, mambarikan katantraman, mambaok barakaik nan bak umpamo payauang panji mambarikan palinduangan dalam bataduah dek paneh jo ka hujanan budi nan rancak. 

            Kok kusiuik sato manyalasiakan
            Tibo karuah sato mampajaniah
            Parang pucuak sangketo labiah nan senjang diluruskan
            Walau basilang karih di lihia, baliak bajimba baji makan
            Nan bana disabuikkan juo

“Ulil Haq walau kana mul rat” katokan nan bana walaupun pahit. Sabaliaknyo urang nan paliang cilako adolah urang nan manjadi silang kareh, kacang miang dalam nagari. Resah masyarakaik dek lakunyo, kambang maksiat dek ulahnyo, batabua fitnah dek muluiknyo, sahinggo kok mati sujuid syukur urang batapuak bakuliliang, batu mejan nyo di ludahi kudian masuk narako.

Bagitu Islam mangenalkan “Akhlakul Kharimah” budi nan baiak baso awaknyo. Iko suatu mato rantai nan mampatamukan antaro adat jo Islam itu ciek, nan kaduo, faktor nan manjadi rueh panghubuang antara syarak jo adat adolah adonyo parsamaan pandangan tantang perananan akal jo pikiran dalam kahidupan untuak mamiliah antara baiak jo  Buruak.

Adat minangkabau mandidiak urang Minangkabau dalam mampagunokan akal jo pikiran, kunyah-kunyah sabalum dilulua, gamah-gama sabalum  di paciak, usah satu duduak satu maunjua, satu tagak satu balari, dulu patuih tagak dari kilek, mukasuik inyo iyolah barang seuatu hendaklah dipikia masak-masak sabalum mahangguak atau manggeleang, kok mamak mangatokan elok baa elok, elok dek mamak alun tantu elok dek kamanakan, pareso dulu lai kok bana nyo manahan bandiang, luruihnyo barantang banang, patah di makan siku-siku, di teliti dinalarkan dengan akal sehat, patuik alah mungkin baru sinan baiyokan , tapi kalau bukan itu nan disabuiknyo,  tapi nan salah di banakan walau dari sia pun tarabik nyo musti di tulak matah-matah, indak ado istilah nrimo di kamus adat, sifat mblelo indak dikenal terhadap pambangkangan dari pangulu kalau inyo salah.

Disadur dari Kaset "Syarak Mangato Adat Mamakai" Karya Yus Dt. Perpatiah
 

 

TrackBack URI for this entry

Comments (2)

Subscribe to this comment's feed

ong said:

	adaik jo syarak sarupo aua jo tabiang ,sanda basanda kaduonyo.. syarak adolah lahia jo bathin..mangko adaik manyamparonokan latak syarak tu.. saumpamo mamasak nasi.. bareh jo pariuak sarato aia jo api adolah syaraknyo.. mangko adaik adalah caro mamasaknyo...
	report abuse vote down vote up

January 18, 2008
Votes: +0

alfhia said:

sepanjang yang saya ketahui, jauh sebelum islam masuk ke Minangkabau, adat sudah ada, proses "penyatuan" adat dengan islam berjalan secara alami walaupun kita juga tidak dapat menafikan adanya benturan keras contoh dalam khasus perang paderi. falsafah adat basandi syarak, syarak basandi kitabullah pun lahir sebagai bentuk akomodasi selesai perperangan tersebut,, dalam artian lain kedatangan islam ke ranah minangkabau semakin memperkokoh nilai-nilai adat yang selaras dengan ajaran Islam, namun masih ada beberapa hal yang sampai sekarang belum selesai, misalnya LARANGAN KAWIN SASUKU di ranah Minang APAKAH telah sesuai dengan falsafah Syarak Mangato Adaik Mamakai????? tentu masih meninggalkan banyak pertanyaan??? wassalam

report abuse vote down vote up

January 18, 2008
Votes: +0