Sanggono mudiak ka hulu
dima tuhue dima sesekan
Pusako niniak nan daulu
Lai babuhue baikekkan

Nan diarah nan dicito
Nan ditiliak nan ditimang
Nan sabarih indakkan lupo
Nan satitiak indak ka hilang
Janji arek karangan taguah

Galamo mudiak ka hulu
Mati disemba ikan tilan
Kanailah anak udang-udang
Pusako niniak nan daulu
Lai babuhue baikekkan
Kini manjadi undang-undang

 
Kok siang dipatungkek
Malam ka jadi kalang hulu
Dipacik arek digartggam taguah
Dibuhue dalam ikek pinggang
Siang manjadi angan-angan
Malam manjadi buah mimpi
 

Bapadati muatan sarek
Bangkahulu sasudah Tapan
pacik pitaruah buhue arek
Umanaik nan jan dilupokan

 
Siang dipatungkek
Malam dipabanta
Dilatak dalam kiro-kiro
Ditaruah di banta kalang hulu
 

Balaie Karantau Ikie
Di mudiak Padang Sibusuak
Singgah sabanta di Sikabau
Janji biaso juo mungkie
Titian biaso juo lapuak
Jadi pantang di Minangkabau

AB Dt. MAjo Indo Buku "Kato Pusako"

TrackBack URI for this entry

Comments (1)

Subscribe to this comment's feed

Limpapeh2007 said:

alhmdlh, dengan adonyo tulisan/artikel ko, banyak manfaat bagi ambo nan lah lamo ndak barajo baliak tantang minang kabau, kalau lah sempat mamak bs ngrim ebook/atau kumpulan tulisan dikirim ke email awak : This e-mail address is being protected from spam bots, you need JavaScript enabled to view it '>P This e-mail address is being protected from spam bots, you need JavaScript enabled to view it , mohon maaf atas kelancangan ambo ko. Wass. WW

report abuse vote down vote up

March 11, 2008
Votes: +0