|
Pituah |
Nak Urang koto ilalang
Nak lalu ka pakan Baso
Malu jo sopan kok lah ilang
Habihlah raso jo pareso |
|
|
Manyambuik Ultah Cimbuak ke 5 |
|
|
|
Ditulis oleh rully
|
|
Kamis, 20 Maret 2008 |
|
 Dalam rangka menyambuik Ulang tahun www. cimbuak.net nan ka 5. Kami maundang sanak sadonyo
untuak menghadiri acara ulang tahun www.cimbuak.net
Hari : Sabtu /22 Maret 2008
Jam : 14.00 s/d Minggu pagi Tempat : Jl. Nangka No 27 Pasar Minggu (Dakek lapangan bola UNINDRA) Untuak apak apak jo uda uda nan taragak main domino, bisa unjuk kebolehan pas hari ulang tahun cimbuak ko.
Kontak Panitia :
rina_bkt : 0812 893 88 70
reni : 0815 623 55 94
|
1. SALAMAIK ULANG TAHUN
Ditulis oleh muallif pada Kamis, 20 Maret 2008
Assalamu 'Alaikum Warahmatullahi wa Barakatuh.
Alhamdu Lillah...! Sanang rasonyo dalam hati, sajuak di dalam kiro-kiro, cimbuak batambah gadang juo, kini lah baumua limo tahun. Insak ado kato nan paliang elok, indak ado kalam nan paliang sasuai, salain daripadao syukur kek nan Kuaso, sarato tarimo kasih nan indak tahinggo, kek urang dapua nan bausaho, mahidangkan cimbuak ka bakeh kami, untuk mampaarek silaturrahim, mandakekkan urang nan bajauahan, mampatamukan anak dengan bapak, mampasuokan mamak jo kamanakan, adiak kakak sarato dunsanak. nan alun tahu lah bakatahuan, batanyo suku dengan kampuang, bara umua di ma karajo, sahinggo tajalin perkenalan, ado nan balanjuik ka persahabatan, bahkan ado nan labiah pado itu.
Lanjuik nan daripado nantun, dalam suasana ulang tahun, eloklah dibuek kasyukuran, batarimo kasih kek nan Kuaso. Panggialah baa surang malin, untuk mandoa jo munajaek, mudah-mudahan usaho nangko, dijadikan sabagai amal baiak, manjadi baka ka akhiraik. Usah campuakan jo nan tak elok, usah ado judi jo minuman kareh, dek awak rang minang baagamo, minang ko sinonim dengan Islam.
Tambahan nan daripado nantun, batapetan pulo jo maso kini, maso paringatan maurlid Rasul, hari kalahiran junjungan kito, bueklah saketek caramah agamo, manalusuri riwayat nabi kito. Mudah-mudahan cimbuak nangko, bukan sakada tampek basuko-suko, tampek mahota jo kaba bagalau, tapi lain dari bak nantun, kito jadikan sarana dakwah, membangkikkan jati diri urang Minang, mangana asa sarato usua, mangana adaik jo agamo. Baitu kandak dalam hati, lai sapantun sanak jo hambo.
Manolah sanak janyo denai, baiak nan gadang atau nan ketek, kok gadang indak basabuik gala, kok ketek indak basabuik namo. Sakitu dahulu komentar ambo, kok ado kato nan salah, kok tasingguang sanak sadang naik, kok talando sanak sadang turun, bari maaf ambo dek sanak, usah dibari ambo badoso.
Kok singkek tolonglah bilai. Tandonyo kito basudaro. Ambo nan bukan cadiak pandai. Ilimu di Allah talataknyo.
Jo salam kato ambo bukak, jo salam pulo ambo tutuik, salam takzim basitinah. Assalamu 'Alaikum panutuik kato. | 2. semoga cimbuak terusan hingga bebila..
Ditulis oleh melati malam pada Jumat, 21 Maret 2008
salam..
dari jauh melati doakan semoga ulang tahun disambut dengan penoh cara cita rasa anak2 minang.
seperti yang melati saksikan dan bersama dulu nya..amat menambat hati ku...
maka terusan lah cimbuak...kau terindah...hingga hati ku terpaku ..
biar dimana melati merantau tak akan ada yang sama seperti mu cimbuak...
dan bila ada Tshirt cimbuak ..nyatakan ya...melati inginkan memakainya dengan bangga seperti bangga hati ini dengan layanan dan kemesraan cimbuak...
adeh ..ingin benar disisi semua diesok hari..
tapi itulah laluan kehidupan melati tak semua dihajati ku dapati...
insya Allah kita kan ketemu lagi...
salam mesra
jgn lupa beri makan ayam mu ya...kasian insan bergembira...dia jua ingin bersama...mungkin | 3. apaubek?
Ditulis oleh muallif pada Jumat, 21 Maret 2008
C eria dan bergaya sebagai sebuah portal komuniti masyakar Minang
I stimewa urang-urang Minang dan di Parantauan
M ampaarek silaturrahim sasamo awak, tanpa mancaliak pangkaik umua jo status
B agarah jo mahota di Palanta, batanyo kaba jo tampek tingga.
U ntuak bakenalan jo bakatahuan labih dalam
K apaubek hati rang rantau nan indak dapek pulang
M ancaliak Singgalang jo Marapi, mancaliak Singkarak jo Maninjau
I mbauan ka dunsanak jo sudaro nan jauah
N ak nyo dapek mangatahui Minang ko nan sabananyo.
A gar nyo tahu asa jo usua, tahu di suku jo kampuang halaman
N an salalu mananti kapulangannyo, mambao buah tangan ka nagari
G adih jo bujangnyo nan baradaik, babudi elok baaka janiah.
K orong kampuang indak nyo agiah malu
A gamo nyo paliharo, adaik nyo pakai limbago nyo tuang
B agurau ado batehnyo, bagarah ado sampadannyo.
A lam takambang nyo jadikan guru
U rang tuo nyo hormati, urang ketek nyo sayangi.
Salamaik Ulang Tahun
Alamat e-mail ini telah diblok oleh spam bots, Anda membutuhkan Javascript untuk melihatnya
| 4. salam dari rang mudo panaruih nagari
Ditulis oleh andymardee pada Minggu, 23 Maret 2008
rang mudo panaruih nagari,tampek panopang nan tuo,paimbau nan ketek-ketek baru kagadang...........
nan kami....walaupun alun basuo.......
tapi maraso sanang marayokan hari jadinyo...pemersatu urang-urang minang....
salamaik ulang tahun
Alamat e-mail ini telah diblok oleh spam bots, Anda membutuhkan Javascript untuk melihatnya
|
Hanya pengguna yang terdaftar yang boleh menulis komentar.
Silahkan login atau daftar. Powered by AkoComment 2.0! |
|
Terakhir kali diperbaharui ( Kamis, 20 Maret 2008 )
|
|
 Saat ini Radio Cimbuak
sedang Offline |
|
Donasi Terakhir |
| Dari | Jumlah | | Harmailis | Rp. 200.007,-- | | Ajo Duta / Mak Uncu | Rp. 1.000.000,-- | | Inyiak Jangkuang | Rp. 56.789,-- | | Dave, Melbourne | Rp. 300.000,-- | Balance Sementara
| Rp. 1.116.796,-- | |
|
Member |
 | Groups |
Online |
 | Anggota |
10 |
 | Tamu |
125 |
| Angoota |
6,439 |
| Statistik |
| Agg Baru |
chon |
| Hari Ini |
6 |
| Minggu Ini |
73 |
| Bulan Ini |
325 |
| Tahun ini |
2,577 |
|
|
Online Sekarang |
|
Saat ini ada 125 pengunjung dan 10 anggota yang online |
|
