talambek

saketek

alun

bacarito

cimbuak

pai

nan

urang

salamoko

palanta

Perjalanan ka Kebun Warso yo sabana lasuah pulo, jalan manuju ka lokasi panuah perjuangan karano jalannyo manaiak jo manurun, di sampiang tu banyak sawah, lah takana pulo zulkarnaini maso-maso mancakau balauik di sawah katiko di kampuang dulu. Webmaster nan mangawal induak-induak sampai lupo manuka gigi pas pandakian, lah ampaia suruik lo oto no kabalakang, untuang lai di rem no dek reni....hehehehe.

Sasampai no di Kebun Warso, Pak Erwin sebagai tuan rumah, langsuang nego jo tukang durian, nan lain arok-arok cameh karano ado isu durian lah abih...berkat usaho dan perjuangan pak Erwin akhirno nan ditunggu datang juo. Nan paliang santiang agungtravel karano langsunag maambiak posisi di sampiang uda tukang balah durian, da Sutan Sulaiman, Taufiq jo Djohor Lamma pantang kalah, langsuang maambiak posisi nan strategis. Durian nan tabukak di seleksi dulu dek da Sutan Sulaiman, nan manih jo kamek di abihan dulu dek Trio Duren tu (Sutan Sulaiman, Taufiq jo Dhohor Lamma). Jadi nan lain dapek siso2 dari urang batigo tu.

Nan manggalak webmaster, kancang bana suok no, urang baru ka maojok, inyo lah abih sa ruang, sampai ditokok no bagai tangan reni dek ka maambiak durian nan di mukono...(saba yo ren).
Dek mancaliak permainan Trio Duren, da hen jo zulkarnaini malancarkan serangan baliak, diambiak no durian du, lansuang di baoknyo ka suduik, lah baiyo2 se inya berdua. Uni Siti nan jarang-jarang makan bacarigik sumangaik pulo dek mancaliak nan lain bakuhampeh, uni tu nan awalnyo cuman manyanduak an katan sen indak amuah kalah lo doh, lah sato lo uni tu bacarigik. Ndak taraso lah abih limo baleh buah durian nan tabukak, lah lambek pulo suok dunsanak kito tu. Kok Djohor Lamma salero masiah amuah tapi muluik ndak amuah lai doh, tapasolah durian tu "ngetem" sen lai di tangannyo. Akhirnyo diandok an nyo durian tu dibaliak punggung no...hehehe.

Kiro-kiro jam anam kami basiap2 untuak pulang, indak lupo bapotobasamo dulu, kalualah model2 Cimbuak dengan berbagai gaya. Diperjalanan pulang uni Siti jo Djohor Lamma lah aniang sen, kironyo mereka berdua mabuak durian, lah takalok sen di oto, ndak talok manga2 lai doh...

Tapi sado nan pai "HAPPY" karano disampiang bisa malapehan taragaka makan durian, kami bisa basilaturrahim karano berteatan dengan sabulan sasudah acara Gathering Cimbuak, dek taraso lamaknyo mako ado pulo nan batanyo bilo lai kito bisa basobok barami2 ko, akhirnyo tercetuslah ide untuak maadokan acara manyambuik ULANG TAHUN CIMBUAK nan ka LIMO...
Salanjuiknyo kito sambuang carito di acara ULTAH CIMBUAK...

Untuak Foto2 / Dokumentasi lengkap acarako dapek diliek di Gallery Cimbuak
 

Komentar

1. Carito Siti Ditulis oleh muallif pada Jumat, 28 Maret 2008 Abak...! Happy di sana bak...! Abak nak tahu, kami pergi makan surian ramai-ramai, sampai-sampai Siti dimabuk durian, bak...! katonyo. Ikolah kesan nan paliang pahnis (pahit dan manis) di nyo wakatu bakunjuang ka jakarta tempo hari.

2. pasti hati siti diindonesia.. Ditulis oleh melati malam pada Jumat, 28 Maret 2008 Siti...yang mana satu wajah mu...?  pasti tersenyum dengan layanan semua ..    aduiiii bagai mengalir airmato ..pasti merindu anak2...tapi ..ku amat suko durian..adeh...  harapan ada yang ingat pda bundo maso makan durian...    hehehe ..pasti enak ya..addeh    yang mana satu siti...  dan siti sama ke rasa durian indonesia dan malaysia...mana tahu ada beza nya...    salam mesra

3. Kenangan Manis Ditulis oleh putrajaya pada Minggu, 30 Maret 2008 7 Maret 2008....sentiasa diingatan.... Kenangan manis yang tak mungkin dilupakan sepanjang hayat....mabuk akibat terlalu banyak makan durian.. Rasa durian Malaysia dan Indonesia hampir sama saja........

4. sedih pangkek duo Ditulis oleh abak paja pada Senin, 31 Maret 2008 ambo sedih pangkek duo pado hari mambuak durian tu, sedih partamao ibu mertua meninggal pado hari tu, dan sedih kaduo bapatai2 aie ludah maliek sanak makan durian, caliak lah tu sutan sulaiamn.. lah tadaguik 5 biji incek durian tu, taufik.. indak tamuek dimuluik lai bapasuan masuaknyo, reni ..alun abih di muluik di tanagn lah di gagam pulo, daerwin.. tingga kulit senyo, uni siti.. lah tasanda dek kakanyangan, andy..ngok samo baunyo jok kantuik lah baun durian se sadonyo, ambo dapek caritonyo saja

5. mabuak dur Ditulis oleh vival_m2 pada Selasa, 01 April 2008 Salamat dan sukses  mudah mudahan ado perty nan berikutnyo

6. ubek mabuak makan durian Ditulis oleh elo pada Kamis, 03 April 2008 Yo taragak lo ambo makan durian tuo aa...tabik lo salero deknyo...hi hi...tp nan takuik dek mabuak nyo aa????  tetapi dlm hal2 ko ambo pun alah paranah juo mabuak DURIAN...aa nan ubek nyo mudah sajo....caronyo : ambiak aie nan bisa di munum masuakkan atau ambiak kulik durian sabagai gelas(galeh) untuk maminum aie tadi...aa isya Allah sasudah maminum aie nan galehnyo kulik durian tu aa.....mabuak duriannyo akan hilang.....  Selamat mencoba...ny sanak.....

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!