nan

cimbuak

paja

datuak

urang

jo

Acara dimulai jam 2an, nan dibukak oleh Abak Paja nan maagiah informasi tantang Yayasan palanta Cimbuak. Sasudah itu dilanjuikan dengan sumbayang Ashar bajamaah, nan manjadi angku imam pak datuak Artis Kusuma. Sasudah itu acara pemotongan  kue ulang tahun oleh pak Erwin dan dibagi2kan ka dunsanak nan padusi, nan laki2 ambiak surang kato pak erwin..hehehehe.
Sambia mananti mugarik, member Cimbuak nan hadir manikmati parabuangan jo teh talua buatan reni.

Sasudah tu abak paja lah tagak pulo di muko untuak manjadi imam sumbayang mugarik. Kamudian dilanjuikkan acara makan malam, samba nan paliang laku adolah "GULAI ITAM" khas Sulik aia buatan urang rumah webmaster, dek lamak no gulai tu sampai mamak Eswentisanato mambisiak an supayo disisihan sapiring untuak makan pagi bisuak...hehehe...

Lalu masuak ka sesi apak-apak nan taragak duduak di lapau, ado nan main domino dan ado pulo nan mangaluakan kartu koa. Nan kalah barandai, nan dapek mandan sasuai lah manih galak no sarupo  da Sutan Sulaiman jo Tan Malaka. Rupono dek asyik bamain, ndak taraso lah subuah sen ari, akhirnyo apak2 tu baranti untuak sumbayang subuah bajamaah.

Mananti matoari tabik, disambuang acara jo maota tentang pangalaman iduik.
Sagitu dulu dunsanak laporan singkek acara Ulang Tahun Cimbuak nan ka limo, sampai batamu di acara Cimbuak nan ka tibo....

Pak Erwin Sadang Barandai Menikmati Kekalahan

Untuak foto2 Dokumentasi lengkap dapek di caliak di Gallery Cimbuak 

TrackBack URI for this entry

Comments (7)

Subscribe to this comment's feed

167634 said:

	dimaha tu acaranyo ulath cimbuak yang ka 5 :? :? :? :? ndak tau do...
	report abuse vote down vote up

March 28, 2008
Votes: +0

muallif said:

	Cimbuak lah baumua limo tahun. Dirayokan basamo urang palanta Kueh dipotong Rina Elfita Nan lain macaliak tagak malongo Walaupun basuo sakali alun Tapi ambo ikuik gembira Sarato mairiangkan dengan doa Mudah-mudahan Cimbuak panjang umuanyo. This e-mail address is being protected from spam bots, you need JavaScript enabled to view it
	report abuse vote down vote up

March 28, 2008
Votes: +0

Alfian Sabri Tanjung said:

	Dima acara no duh ? ndak do inpo sagetek alah jo do. Asli sabana urang awak, kalau ndak domino kondak ba koa. ciek lai ciri ciri urang awak ko. parokok. dari sapuluah urang, urang awak, sambilan urang marokok. :grin :grin :grin
	report abuse vote down vote up

March 28, 2008
Votes: +0

bagindo bagak said:

	sabana padek nampaknyo acaranyo, kalau marokok iyo ciri urang awak nan laki laki,kalau nan padusi lain pulo marokoknyo, soalnyo kalau indak marokok kurang jantan nampaknyo, samo jo urang bodoh bantuaknyo he..he..he..caliak selah apak nan bajeket jo nan babaju putiah, iyo sabana bapaham nampaknyo dek marokok tu.
	report abuse vote down vote up

March 29, 2008
Votes: +0

putrajaya said:

	Semoga cimbuak sentiasa suksess dan bertambah mantap dalam meniti usia dan bertambah umurnya.....Semoga cimbuak panjang umur :grin :grin :grin
	report abuse vote down vote up

March 29, 2008
Votes: +0

sutan_sulaiman said:

	Iyo santiang pulo ina manulih berita yo kiro no ... Taruihan untuak acara2 kito ka muko yo diak...! :grin Kapado duns 167634 jo duns Alfian Sabri Tanjuang, acok2lah kamari dan samo2 dipabanyaklah mambaco di homepage cimbuak kito ko, buliah agak kurg batanyo bantuak tu lai... :grin
	report abuse vote down vote up

March 29, 2008
Votes: +0

reni said:

Met Ultah Cimbuak nan ka 5, masih TK mah, masih paralu dibimbiang dek sanak sanak sadonyo bia Cimbuak makin mantap.. Untuak Ni Rina, mokasi lah mambuek berita liputannyo. Lah banyak nan batanyo soalnyo.. terutama bu Lina Sastro ^_^. Untuak sanak sanak nan nio bagabuang pado acara berikutnyo, tunggu sajo beritanyo. Acok Acok lah mancigok ka website Cimbuak ko. Pasti akan selalu kami kabari. Tak ada kabar yang tak kami kabar kabari tuak sado member Cimbuak. Lah co infotainment lo ha.. Wassalam

report abuse vote down vote up

March 30, 2008
Votes: +0