Sanak members cimbuak, tadi malam sekitar jam 22.00 cukup ramai yang masuk ke palanta, dan pada saat itu timbul usul yang meminta di coba melakukan sambah-manyambah melalui palanta. Ini merupakan hal yang baru, karena selama ini sambah manyambah dalam adat Minang di laksanakan secara langsung dan bertatap muka. Dan  sambah menyambah melalui tulisan serta masing-masing orang yang ikut berada di lokasi yang berbeda dan dalam jarak yang jauh.  Pada saat itu sudah mulai di coba sedikit demi sedikit, adapun orang  yang terlibat adalah sanak kita Z_piliang, paduka dan ride-rangpasia.

Agar mengarah ke lebih baik dan agak serius rencana nya Insya Allah akan di coba untuk sambah manyambah pada hari Sabtu tgl 31 Mei 2008, jam 20.00 WIB di Palanta Cimbuak. Untuk itu bagi yang berminat silahkan ikut dan nimbrung pada waktu tersebut. Mari kita ramaikan dan melihat bagaimana pula kalau sambah manyambah melalui Cyber. Silahkan nantinya masuk ke Palanta Cimbuak untuk berpartisipasi.

Mari kita majukan budaya minang, walaupun kita berbeda rantau.




 

TrackBack URI for this entry

Comments (10)

Subscribe to this comment's feed

paduka said:

	Salamlekum... Sumua digali aia datang Pucuak dicinto ulam tibo, Supayo lebih terarah, tantukan topiknyo, sia nan di ujuang (alek), sia nan di pangka (sipangka), masing-masing di dampimpingi oleh yang berperan sebagai ninik mamak, ka tampek kato baiyo jalan ba moah. Sakitu... Salam
	report abuse vote down vote up

May 27, 2008
Votes: +0

elo said:

	Assalamualaikum wr.wb Ambo sangat satuju di adohkan sambah manyambah ,nan jadi adat budayo rang minang kabau..dari sajak dulunyo....di Cimbuak nan kito cintoiko...semoga adoh manfaatnyo bagi kito nan gadang di rantau...Amin....... Wa alaikum salam wr.wb.
	report abuse vote down vote up

May 27, 2008
Votes: +0

HMDtMB said:

Assalamualaikum warahmatullahi wabarakatuh, Mano lah angku Erwin Mochtar (maaf ambo lupo jo gala dunsanak) nan ambo hormati, dunsanak pulo nan ambo imbau, sungguahpun dunsanak surang nan taimbau, wujuiknyo adolah ka sagalo adidunsanak, cadiak pandai, alim ulamo, bundo kanduang nan talingkuik dek Rumah Gadang Maya Cimbuak Dot Net (RGM CDN) ko. Adopun sambahnyo adolah sambah pendek sajo. Satantangan etongan nan dunsanak bao ka rumah gadang nangko adolah sabuah terobosan baru dari Cimbuak dot net sasudah mambuek Radio Online di dunia maya ko. Ambo sangaik satuju dan mandukuang panuah akan hal iko. Cuma nan manjadi kendala saat iko dan pado acara launching pertamo pasambahan ko, ambo masih batugeh dilua kota (di Gresik) nan jaringan internet nyo indak ado disadiokan dek hotel tampek ambo tingga. Kalau di dangau (di Pusri Palembang) internet full 24 jam, tapi akan ambo cubo pai ka warnet tadakek jo tampek ambo tingga. Mudah2an acara perdana ko dapek bajalan sebagai mano mestinyo. Sifek manunggu lah ambo sabanta. Urang Padang mamunta banang, banang dipunta dipilin tigo, kok dirantang amuah panjang, diambiak nan paguno sajo. Dek karano sadang mambajak disawah urang, wakatu sampik dan baniah sadang kaditanam, sagitu sajo nan dapek ambo sampaikan. Wassalam, HM Dt.Marah Bangso (51+)

report abuse vote down vote up

May 27, 2008
Votes: +0

ktm said:

Assalamualaikum Ambo sangat setuju dengan acara sarupoko, agar dapek maulang bagi nan lah mahir, manambah bagi nan masih kurang dan awal pembelajaran bagi sanak kito nan baru baraja. Semoga acarako dapaek bajalan lancar dan sadonyo kito nan alah acok dan pernah boleh duduak dipalantako dapek diharokan dapek samo2 hadir. Jika acarako nantik samo dipandang rancak ambo mausulkan dapek diagendakan manjadi acara 1 x saminggu dipalanta. makasih dan wassalam

report abuse vote down vote up

May 27, 2008
Votes: +0

Datuk Bagindo said:

assalamualaikum, wrwb. Ambo cubo masuak palanta hari ko, nak maagieh usul agar supayo rencana acara pasamabahan ko bisa direalisasikan. Tapek nan ambo dugo... baru sen ambo maagieh usul lalu lintas carito diantaro sanak tuw.. lah simpang siur. dek saling be tegur sapo diantara nan hadir... Ambo kawatir kok co iko pulo nan katajadi pado malam minggu tu ndak. karanonyo ambo usul, harus ditantuan sia nan kamanjawek alek sia na sipangka. Apo hanyo duo urang sen nan kamangecek di palanta malam isuak. indak kataragu baeko dek banyaknyo urang nan datang nan ma ota lalulalang. usul ambo ; - setelah datang .. dan manyampaikan salam basirobok, sanak sabaiknyo datang sen mandanga.. urang nan kamanjawek alek atau nan sipangka. - kok iyo ado nan ka maota antaro surang-suran masuaklah ka private massage sajo. rasonyo ikolah nan tapikia dek ambo. maaf lah sanak kok ambo salah manafsirkan acara ko. Wassalam...

report abuse vote down vote up

May 28, 2008
Votes: +0

HMDtMB said:

Angku datuak bagindo nan dianjuang tinggi diamba gadang, urang nan gadang basa batuah, pai tampek batanyo pulang tampek babarito, urang nan tahu ereang jo gendeang, alun takilek lah takalam, baranang ikan dalam lauik alah tahu jantan batinonyo. Satantangan keraguan angku datuak tentang pidato pasambahan dalam rumah gadang dunia maya ko, sabananyo keraguan itu ado juo pado diri ambo, sabab dalam kito berlalulintas komunikasi di unia maya nan indak bertatap muko ko kadang ado sajo kato nan tadorong atau indak maikuti aturan tata krama mangecek (berpidato) seperti layaknyo di rumah gadang nan subananyo. Tapi dengan keikhlasan dan kebersamaan kito dalam membangun adat istiadat kito baiak di ranah maupun di rantau, indak salah kito cubo agak sajamang duo jamang. Sakali lai, mari kito lestarikan adat istiadat kito. Nan paralu kito ingek bahaso dalam bertutur dan mambasokan ka nan lain tantu galanyo nan kito imbau, Jadi gala ko paralu kito ketahui basamo nantiknyo saat berdiskusi. Kok nan labiah rancak, tantu kode umua dibulakang gala kito paralu pulo kito cantumkan agar kito tahu lawan pembicaraan kito pangkek apak kito, kakak kito, adiak kito, mamak kito atau bundo kanduang. Bundo kanduang paralu dilibatkan dalam acara bapidato pasambahan ko bia nak komplit. Sakian. Wassalam, HM Dt.Marah Bangso (51+)

report abuse vote down vote up

May 28, 2008
Votes: +0

Bandaro said:

assalamu'alaykum w.w. kasah ambun kasah biludu, batanti bajaik tapi, baturap jo banang sirah, lah tahampai disandaran, mintak ampun ka pangkhulu, nan salirik duduak di tapi, saedaran adok ka katangah bukan tambilang mangulampai, tambilang di batang lansek, bukan mambilang tandono pandai, mambilang dek baru baraja mangecek inai sapantun di aia tirih, anjalai tumbuah ditapi, ditangah babungo kambang, denai sapantuan biduak tirih, balayia ditapi-tapi, katangah takuik dekgalombang tapi samantang pun baitu, karano bapakai manuruik adat , manjadi undang di nan tuo, panakiak pisau si rauik, ambiak galah batang lintabuang, salodang jadikan niru, nan satitiak jadikan lauik, nan sakapa jadikan gunuang, alam takambang jadikan guru karano lai dihadapan ninik jo mamak, Panghulu nan gadang basa batuah, nan ka pai tampaik batanyo, ka pulang tampaik babarito, nan manunjuak jo maajai, tagua sapo baitu pulo, mako basampaikan juo nan takana dalam hati, nan takilan dimato, iyo satantangan sambah - manyambah (pakolahan) lah dicubo manyimak dari awa sampai akhia, nan alah Mamak curai papakan diateh, indak tarago diulang, kok diulang sinan juo katibono, ujuikno sado basampaikan a nan ujuik mukasuk , adolah ka maadokan pasambahan di cimbuak nan ko, kan iyo batu ?? indak doh lai sapanjang nan alah bakatangahkan nantun, alah taracak dalam undang, talingka dalam pusako, tibo sungguah ditampaikno bakarih si katik mudo, talatak di biliak dalam, ratak sabuah jadi tuah, jikok dibukak pusako lamo, dibangkik tareh nan tabanam, lah banyak ragi nan barubah namun , sungguahpun baitu bana, supayo baririk nan bak batamnam, basusun nan bak siriah, sairiang indak batuka jalan jo nan disampiakan Mak Datuak Bagindo, tantu iyo paralu disusun ciek ciek, diatua sikua-sikua, aratino bana, satantangan nan ka manyambah, baiak bagian nan sipangka , baitu pulo nan si alek (atau urang banyak jo ahli warih di pakuburan) tantuno iyo dijatuahkan batu ciek-ciek, ditunjuak urang surang-surang, baiak nan ka manjad polongan asok, pambuluah aia, baitu pulo tampaik baiyo, taruih kapado nan gantiang mamutuih, biang nan ka manabuak, bia nak jaleh tembak nan basasaran, kama pandang ba alamaik limbak nan dari pado itu, bukan lah ambo basudi jo siask, ijinkan ambo nak batanyo, maklum dek sakali ko baru duduak, bilo lah kirono acara sambah manyambah ko ka diadokan ?? jikok malalui chating, iyo mamintak panarangan pulo ambo kapado Tn H. Erwin RM, baa mangko tiok ambo masuak chating, nan masuak iyo lai, tadaftar lai juo di room, tapi nan tulisan sudah ditulih, lalu bakirim, namun indak ado mancumbok di layar room tu, iyo bamurah hati Tuan H. Erm Rky M mambari pitunjuak jo pangajaran rumah gadang bari bapintu, nak tarang sampai kadalam, mako didalam jadi mancayo, jiko dibalun sapalun kuku, kalau dikambang saleba alam, diambiak sajo nan sapaguno nyampang tasuo di nan indak, batamu di nan bukan, ibaraik bajalan indak di nan pasa, baranti indak pado titiak, patuik di ateh ta kabawahan, nan ditangah ta katapian, ka Allah ambo mintak ampun, ka Niniaik Mamak, Panghulu nan gadang basa batuah ambo mintak maaf wassalamu'alaykum w.w. Z. Bandaro Labiah

report abuse vote down vote up

May 28, 2008
Votes: +0

paduka said:

Manolah baliau Sutan Rangkayo Mulie... Sungguah pun tuan surang nan dihadang dengan sambah, nan disabuikkan namo dimuliakan gala, wujuik mukasuik iyo kapado sagalo ninik mamak, nan gadang basa batuah, pai tampek batanyo, pulang tampek babarito. Taruih kapado alim ulama, cadiak pandai samo di dalam. Nan mudo jo bundo kanduang, ka tampek ambo mahantakan sambah, ujuang pasambahan ka bakeh sutan... Apolah nan manjadi buah pasambahan ambo, pendek komah, kapendek-an nyo itu, iyo sakiro-kiro nak mangatokan kato hati, nak mambanakan kato bana. Manolah kato hati nan ka dikatokan, kato bana nan ka dibanakan, satantangan rencana ka mambuka acara pidato pasambahan di palanta cimbuak.net nangko. Itumah lah tuan caliak tuan pandangi, lah banyak apresiasi dari sagalo pihak, apolah nan manjadi apresiasi dari baliau, indak ka diulang kili batikam jajak. Baa sabab mangko baitu, baulang kili kok nyo sipi, batikam jajak kok nyo cupu, diulang kato kok batimbang, manfaatnyo sajo kito ambiek. Harus dipersiapkan sedemikian rupo, nak jaan siang bahabih hari, malam bahabik minyak. Rumah sudah tokok kok babunyi, cakak abih silek takana, tasungiek budi di nan rami. Sairiang balam jo barabah, barabah ka taluak pai mandi, sairiang salam jo sambah, sambah taunjuak salam kumbali... Paduka Idham Pakieh Sutan (54) Muaropaneh, Solok di Bekasi

report abuse vote down vote up

May 28, 2008
Votes: +0

Bandaro said:

asssalamu'alaykum w.w. ampun baribu kali ampun, ampun sabaleh jo kapalo, di pasambaan sato alun, karano sadang babelok pulo sabana rugi rasono indak sato di malam ahad kapatang, bara lah ka bakatintamno tu pasambahan, tagah dek badan sadang babelok, mako iyo alun sato akatu itu, Insyaallah, maso katibo, untuang lai bisa sato kok dapek usua ka sipangka (admin) cimbuak, katik kan baliak pasambahan nan patang satu malam ahad kapatang tu, dan dilewakan pulo disiko, jadi dunsamak nan indak sato bisa pulo mambaco pintak nak buliah, kandak iyo dipalakukan handakno, tarimokasi wasssalamu'alaykum w.w. Z. Bandaro Labiah

report abuse vote down vote up

June 03, 2008
Votes: +0

bunglanang said:

ASALAMUALAIKUM WARAHMATULLAH, AMPUN TUANKU BERIBU KALI AMPUN, SEMBAH PATIK HARAP DIAMPUN. PACAR YG HINA DATANG MENGADAP POHON DIPERKENAN MENGADAP KEBAWAH DULI YG DIPERTUAN. Begitulah kisah persembahan kebawah Duli Tuanku Yang Dipertuan Besar Negeri Sembilan, Rajo yg memerintah di Negeri Sembilan dan Jajahan Takluknya. Yang Teramat Mulia Tuanku Jaafar ibni Tuanku Abd Rahman Rajo Dinegeri Sembilan ini, berasal dari PAGAR RUYUNG dan kami juga asal keturunan nenek mamak dari pagaruyung. MAAF KIRANYA BAHASA KAMI SUDAH JAUH BERBEDA TAPI KAMI MASIH MENGAMAL " ADAT PERPATIH NAN SEBATANG " SALAM SEMBAH DARI MALAYSIA.

report abuse vote down vote up

June 08, 2008
Votes: +0