Acara nyo memang lah lewat saminggu nan lalu. Pado tanggal 20 September 2008, member cimbuak Banduang mangadokan acara Buko Basamo di rumah salah satu member cimbuak Banduang, Refky. Babeda jo acara buko samo nan alah diadokan saminggu sabalunnyo di Jakarta, buko samo cimbuak Banduang diadokan ala anak kosan, karano rato rato adolah anak kosan. Tapi walaupun baitu, acara tetap berlangsung meriah dan gembira.

Adopun nan hadir katiko acara Buko Samo Cimbuak Banduang adolah Reni, Avend, Refky, Ali, Rina, Dona, Deri, Alyn, Omanyaruni, Amel, Herni jo beberapa kawan Refky lainnyo. Jiko diliek dari peserta nan hadir member cimbuak Banduang memang banyak nan mudo mudo. Kebanyakan member banduang adolah mahasiswa. ado juo nan tuo-tuo, tapi baliau berhalangan hadir. Dan pado kesempatan iko, penulis mangucapkan tarimo kasih sabanyak banyak nyo kapado omaseruni nan lah jauah datang dari Padalarang ka Dago. Dan juo da Avend nan jauah pulo dari Jakarta, lah maluangkan wakatu pulo untuak menghadiri acara Buko Samo cimbuak di Bandung.

Walaupun acara nyo sederhana sajo, tapi raso kekeluargaan antaro member sangaik taraso. Nan padusi saling mambantu manghidang makanan untuak acara babuko, nan laki laki mambantu persiapan cara babuko. Sahinggo raso badunsanak memang taraso. Satalah acara buko basamo, diadokan perkenalan masing masing member, karano beberapa member do nan baru sakali batamu di acarako. Salain itu, juo diperkenalkan tentang komunitas cimbuak oleh da Avend. Semoga untuak ka muko, makin banyak member cimbuak di bandung dan terjalin silaturahmi yang elok.

Barikuik foto fotonyo :

TrackBack URI for this entry

Comments (9)

Subscribe to this comment's feed

khairunas said:

	baa ko nan d batam....ndak taragak lo mode member member lain..?bravo lah untuak nan d banduang..mudah2an nan dari batam manyusul...
	report abuse vote down vote up

September 30, 2008
Votes: +1

rafki said:

	salamaik untuak dunsanak nan di banduang, mudah2an tali silaturrahmi batambah tagok
	report abuse vote down vote up

September 30, 2008
Votes: +0

Deswita said:

	Ondeeeee...sabana sero yo... buko basamo di Bandung ko...banyak anggota geng sepangkat se nampak ee mah... maju taruih pantang mundurr geng sepangkat...
	report abuse vote down vote up

October 01, 2008
Votes: +0

zaharlies nauman said:

	Asswr wb, Babuko di rumah Refky Rian, samulo oma kiro dirumah keluarga, ado istri/anak2, taunyo.. rumah kontrak Refky nan masih Kuliah ambiak MBA... nan hadir anak mudo sadonyo, kecuali oma seruni... Reni mambuek goreng baluik lado ijau.. lomak bona....badaruak banyak pulo mknan lainnyo... nampaknyao dari RM pdg..... Salam kompak mdh2an silaturahmi iko indak putuih... yoo amin
	report abuse vote down vote up

October 03, 2008
Votes: +0

muhammad noer said:

	maap ndak bisa tibo...tarutamo ka ni reni,da vend jo da alikamra... sadang ado urusan nan nda bisa ditinggakan... hehehhe.. mudah2an dilain waktu bisa ikuik.... cayo cimbuak banduang!!!!
	report abuse vote down vote up

October 04, 2008
Votes: +0

Sutan zamzamir chaniago said:

	onde iyo baraso lain nampaknyo, kok tibo ambo tu lah maraso mahasiswa lo mah yo, tapi ba a ma angaanyo dek ikui lah panjang agak takabek langkah saketek, tapi jok niak ambo lah didalam, salam jok adiak, kamanakan, kakak, bundo, mamak, sado alah e dusanak nan tibo. salam dan selamat babuko basamo Abak paja
	report abuse vote down vote up

October 06, 2008
Votes: +0

Maison Yosi said:

	Io kamek kamek kok urang banduang ko yo....mungkinn dek pangaruah cuaco dingin agaknyo,...kan lai mambuek kolak kampiun gai ren???
	report abuse vote down vote up

October 06, 2008
Votes: +0

reni said:

Hahhaha.. yo ka bandung lah bak, bia nak raso jadi mudo lo baliak...^_^. Ndak kolak kampiun babuek do da Yos.. pi kolak kundur...Bagati da Yos..?? nak nio lo ka pindah domisili member jd Cimbuak Bdg ndak??? Urus KTP nyo lu da Yos...hahhahha. Untuak Ad.. awas yo.. siap siap dapek hukuman..beko uni suruah kaliliang lapangan bola sabuga gak 10 kaliliang....tambah jo push up 100 x. Untuak Ides.. makonyo des.. main ka Bdg, bia bisa bagabung jo partai sapangkat tu.. ^_^.

report abuse vote down vote up

October 09, 2008
Votes: +0

PDK / Brian Haryadi Tamon said:

	pasan Ambo..ka adiak2 nan di Cimbuak Bdg....pertahankan kekompkan yang ala tabinako....munculkanlah kreasi2 yang baru. khusus untuak Adinda Reni.....majuu taruiiiii.....baitu juo jo Kang ALi. wassalam PDK
	report abuse vote down vote up

October 11, 2008
Votes: +0