Pado hari Satu tanggal 16 Mei 2009, kami nan tingga di Padang di hubuangi dek salah surang urang dapua cimbuak.net , yakni Sdr.Reni  Sikumbang dan mangirimkan pitih sabanyak Duo Juta Anam Ratuih Ribu rupiah sumbangan dunsanak members Cimbuak nan tatingga dari tahap partamo dulu  untuak di sarahkan baliak ka posko bencana GALODO Tanah Data.

Barangkek lah kami baduo dari Padang jo pak NQ manuju Bkik Tinggi manjapuik pak Nago di ateh ngarai. Kami batigo Beha,Nq,dan pak Nago barangkek ka Batu Sangka lewat Baso taruih ka Pincuran Puti sampai ka Salimpauang, dek lamo lambek dijalan kami sampai di Pasie Laweh sambia manalepon pak Win di Sangka, kabatulan baliau sadang barado di Bukit Tinggi untuak rapek , dimano Posko di kantua camaik Pasie Laweh alah batutuik dan bakisa ka Batu Sangka nan dakek kantua Polisi di subalah kantua Telkom Batu Sangka.

Kami batigo mananyoan ka pak Win apo ado urang posko nan kamanjapuik kwitansi di toko Banda 10, baliau manjawek ado anggota ambo ka manjapuik di toko bangunan Banda 10, makono kami langsuang sen manuju toko material Banda 10 milik H. In dan kami tanyoan bantuan apo nan dibutuhkan untuak mauleh nan suntua manyambuang nan singkek atau panumbok nan cabiak, dijawek dek Haji In bantuak no ancak apak balikan ka atok seng jo paku atok, mako no kami langsuang mambalikan pitih dunsanak tu ka atok seng jo paku atok, dapeklah atok seng sabanyak 3,5 kodi dan paku atok ampek kotak. 

Jenis 

Banyak

Satuan 

Harga 
(Rp.) 

Jumlah
(Rp) 

 Atok seng 

 3,5

 kodi

 720.000,-

 2.520.000,-

 Paku

 4

 kg

 20.000,-

 80.000,-

 T o t a l

 2.600.000,- 

 Baitulah dunsanak  nan dapek kami laporkan pelaksanaan panyarahan bantuan ka posko bencana alam GALODO di Batu sangka, semoga amal ibadah dunsanak nan tergerak ati no untuak mambantu dunsanak kito nan sadang maadoki bancano di kampuang kito, mandapekan Ridho dari Allah SWT.

Iko photo photo nan dapek kami tampilkan di siko.

Beha Katik Sulaiman manjenjeang faktur pambalian Atok seng jo paku atok

Pak Nago mamparagoan lo faktur pambalian di kadai Banda 10.

Beha katik sulaiman manyarahkan DO pambalian ka pak Mus di took Banda 10

Babincang jo apak Mus nan manjapuik DO ka Banda 10

Beha katik sulaiman jo pak Nq

Mampanggakan cimbuak dot net

Pak Nago jo Beha..

Pak H. In , Nq, jo Beha

Mambaia DO ka Pak H.In

Mambukak cimbuak.net

TrackBack URI for this entry

Comments (1)

Subscribe to this comment's feed

reni said:

	Assalammualaikum wr wb, Tarimo kasih banyak Pak Katik, Pak NQ, jo pak Nago nan lah manyalurkan sumbangan titipan member cimbuak nan tatingga dari sumbangan sabalun nyo. Samoga sumbangan ko bamanfaat untuak dunsanak di kampuang nan kanai musibah ko. Wassalam
	report abuse vote down vote up

June 11, 2009
Votes: +1