The Padish Market, Darling Harbour, China Town, and Circle Quay

Carito salanjuiknyo pai raun ka nagari kanguru ko adolah ambo pai manjalajahi suduik kota Sydney jo kendaraan umum. Kami naiek bus kota nan haragonyo Aus $ 2.4.      Katiko sampai di pusek kota “ City” kami singgah di toko coklat nan katonyo haragonyo murah. Ondeh.. indak takaja jo pitih awak do, karano dollar Australia $ 1.- setara  Rp 8000,-. (kurs Rp di Aussie). Terbayang sanak saudara yang Tabayang sanak sudaro nan ka diagieh oleh-oleh coklat., Ambo cubo ituang jumlah kapalo keluarga nan do di keluarga besar  ambo. Alhasil ambo babalanjo coklat tuh saharga Aust $ 36.-. Naah.. cubolah ituang bara  rupiahnyo……………….

Sarupo urang kampuang pai ka kota, itulah nan ambo rasoan katiko bajalan kaki di kota Sydney ko. Caliek lah di TV baa suasana kota di lua nagari – katiko urang bajalan bahondoh pondoh bajalan kaki. Langkahnyo tegap co tentara. Sudah tuh katiko di simpang jalan – lai taratik pulo manunggu lampu ijau manyalo. Tangango ngango ambo,  katiko bagabuang jo urang urang ko untuk pai manyubarang. Awak indak bulieh mambandiangkan jo Negara awak doh. Tapi buliehlah ambo bacarito saketek baa disiplin ditagak an sarato aparat nan harus awak hormati katiko inyo manjalankan tugasnyo

Di Sydney ini, ambo punyo pangalaman Buruak. Sampai kini ambo galak sengeng, baralah kabodohan ambo. Iko nan disabuik urang, co katak dalam tampuruang, Di saciek hari sinan – ambo jo kanti ambo indak mangarati caro manyubarang jalan. Jalan nan kami lalui rami bana. oto lari kancang kancang. ado oto nan saroman awak caliek di pilem pilem tu ha… Padusi bule tuh bakacamato hitam, mambaok oto surang – surang. Yo sabana gaya.. ado lo nan tabuka atok otonyo. Wakatu itu udaro sangaik cerah. alah ba minik minik kami manunggu lampu ijau badarang untuak kami pai manyubarang.   Tapi Lampu ijau tuh indak juo kunjuang manyalo. Baa lah ko.., Kami baduo mulai panic.
Ambo mangecek ka Kanti ambo tuh : “ Baa awak terobos se lampu ko.. Ncik Uniang.
“ Hei.. jaan “ Mati awak beko dilindeh oto. Jadi barita dunia lo awak beko, kecek kanti ambo..
“ Yo baa lai..? lampu untuak awak manyubarang sighraah.. … taruih. 
Kudian, baru kami sadar baraso di panyabarangan jalan itu, ado tombol untuak manakan tando lampu.
“ Hei yey yey…..  Kami baduo bi galak sahabih habihnyo. Baa kok indak..?? Ikolah urang  melayu bodoh. ( kok jadi orang minang mestinya harus pintar  kan..?). Sakatiko tuh langsuang se kanti ambo manakan tombol supayo lampu ijau manyalo. Sasudah itu – bajalan kami baduo padusi melayu tuh dimuko oto – oto nan baranti manunggu kami manyubarang. Hemmmmm.. saraso jadi peragawati lo kami mah.. malenggang lenggok manyubarang. Taukah sanak, bara lamo kami manunggu jo kabodohan kami ko untuak manyubarang..?  jaweknyo : ‘ satangah jam labieh.
Sampai dirumah – sabana habih kami bagalak – galak – karano nan digalak an adolah si puti jo ncik uniang.
Baitulah urang nan mambao oto, lai cukuik santun maharagoi pajalan kaki. Bilo lampu hijau menyalo, mako pengemudi oto, harus ma agieh kesempatan ka pejalan kaki.
Dari siko ambo punyo obesesi satantang pengaturan lalu lintas ko. Labieh labieh jiko  dilakukan di Indonesia khususnya Jakarta. Maksud ambo sarupo iko. “ Satiok sopir oto,  harus mandahalukan oto – oto nan barado di sabalah kanannyo, katiko barado di simpang jalan. Mato sopir oto, cukuik mancaliek oto nan ado di subalah suoknyo (kanan). Artinyo maagieh atau mandahulukan oto nan barado di sabalah kanan awak. Baitu pulo jiko di simpang jalan indak ado traffic light nyo.Baitulah salanjuiknyo, dijamin indak ado  tajadi kecelakaan.
 
Kami manyigi  leaflet, booklet nan ambo dapek di Circulair Cuay. Ikolah informasi pariwasata nan langkok sahinggo awak bisa mamilieh tampek – tempek nan awak kunjungi. Jiko awak pai mancari nan murah, awak bisa pai bakuliliang untuak raun raun kota (City tour). Tapi nan diambo, bialah kami bajalan kaki sajo.
Mulai dari Padish Market kami naiek monorel route pendek sajo, yaitu China town, darling harbour, circulair quay. Manuruik ambo - Indak ado bagai doh keistimewaan “Darling Harbour” ko. Daerah ko hanyolah pelabuhan Sydney – sarupo jo Tanjuang Pariuk Jakarta. Pelabuhannyo barasieh. Sakali lai ambo tangango, manga airnyo janieh dan indak ado pencemaran olie sarupo di pelabuhan Jakarta.
Kami bakodak sapasai pasainyo. Kami bajalan sapueh hati. Alah cukuik jauah kami  bajalan,  tatap sajo taraso nyaman, dek karano udaro barasiah sarato dingin. Indak banyak karinegk nan kalua.
Di circulair Quay kami basirobok jo reinkarnasi “Capten Cook” alias jadi jadian. Capten cook adolah  manusia partamo nan ma injakkan kaki di kota Sydney dari Inggris. Lai tapikia lo di ambo – baa awak buek lo riwayat  – sia urang awak nan partamo kali ma injakkan kaki nyo di Nagari Kanguru ko…??? Indak salah lo ambo kan…?
Baitulah akhienyo ambo sato bakodak jo “kapten kuk”. ko. Sesampai di  “Opera House – kami baru sadar baraso hari alah diujung waktu sholat lohor, yaitu pukua 14.30.

dima pu awak barado – awak indak buleih malupo an sholat. Ustrali - Negara non muslim – tantu indak ado tampek sholat. Baa ka wadhu. Indak ado aie. Urang bi pakai karate jiko mambarasiahan “ ka sungai” nyo (istilah rang piaman “ pipis”). Hiii… bialah ambo tahan se…
Akhienyo dek alasan darurat, mako kami sadonyo tetap melaksanakan sholat dengan caro ba tayamum. Ambo manapuak an tangan ka badan kakak ambo nan jaketnyo saketek ba abu – suai jo syarat batayamum.  Hal iko kami lakukan dek tampek sholat indak ado. Aie ba wudhu indak ado. Arah kiblat indak tantu, kecuali arah sinar matoari nan manjadi patunjuak. Kami sholat dengan caro duduak di bangku taman. Akibatnyo masyarakaik nan bi lalu lalang heran mancaliek tingkah laku kami. Barangkali keceknyo dalam atinyo ; “ iko muslin atau indak ?? Atau mungkin penganut agama lain …?? Dek kami mangarajoan sholat sambil duduak. Alhamdulillah indak ado hutang sholat saat itu lai. Kami manjamak sholat takdim  qoshar 2 – 2 rakaat dzhuhur dan asyar.   

Around the City – raun raun – kecek rang awak, memang sangajo kami lakukan manjalang sanjo, dek kami ka bakodak kodak sambie focus utamo kami -  membidik buruang camar nan amaik banyak bakaliaran di sekitar lokasi taluak jo pantai. Binatang ko sangaik jinak., katiko awak pai dakek ka buruang ko, sarato awak agiehnyo makanan. Buruang burung ko baranuik tabang ka awak sambia mancotok makanan nan awak agieh. Sudah tuh… kami naik ferry pulang karumah supayo bisa “ mengabadikan suasana sunset “ ( duh.. duh bingung translate minangnya…) nan dilatar belakangi “harbour bridge” dari ateh ferry, Route nan kami lalui manuju rumah adolah Circulair Quay – Rose Bay – tampek kami manumpang tingga.
Indak sadar tingkah laku kami co anak-anak. Ferry malaju kancang.  Bahkan saketek  “ngepot”* jalannya. ( ayo… apa arti “ ngepot”  bahasa minangnya..??) Kami sibuk pulo barabuik mancari tampek nan pas untuak bakodak. Antah apo komentar para bule tuh. Dek mancaliek “ melayu kampuang “ ko. Bule bule tu, adolah “ para pekerja “ nan baru pulang karajo. Umumnyo urang bule ko tingga disepanjang “ tapian taluak kota Sydney.
Hari alah jam 7 malam. Kaki alah sabana panek. Barisuak jam 7 pagi,  kami harus siap siap lo ka pai raun - ka  ibu kota Negara Aussie  ”Canberra”


( bersambung).

 

TrackBack URI for this entry

Comments (0)

Subscribe to this comment's feed