Kamanakan :
Mak !  ado nan ka ambo tanyogan ka mamak, ado papatah tadanga urang mangecekgan :
                  Bak bisiak Sungai Pua
Indak mangarati ambo, Mak. baa bana bisiak Sungai Pua antun. Urang Sungai Pua babisiak ka ambo, biaso miang. anak umah ambo babisiak ke ambo, sarupo juo jo urang lain babisiak,  samo miang sadangkan ambo 100% urang Sungai Pua.
Baa nan sabana-no carito-no du, Mak ?

Mamak :
mantun ah ! Nan dikatok-gan babisiak, tantu lambek-lambek, sakadar tadanga di awak nan baduo miang.
Tapi urang Sungai Pua 60/70 tahun taisuak, tamusahua ba apa basi dima-dima-no. Di ma nan rami nagari ado apa basi urang Sungai Pua sinan. Di apa-basi bunyi basi lantuang-lantang, agaklah basi jo basi nan baradu. Jadi indak a nan tadanga layi. Kok mangecek musti kareh-kareh, apo layi babisiak, tantu musti kareh juo. Kok indak mantun, indak tadanga. Sakiro-no ado urang babisiak, tapi tadanga juo di urang lain, itulah dinamo-gan bisiak Sungai Pua.

Kamanakan :
Ado papatah mangato-gan : Kok bisiak alah kadangaran, kok himbau alah kalampauan. Jadi dek bisiak antun tandanga juo di urang lain, tantu bisiak Sungai Pua namo-no du.

Mamak :
Iyo ! asa  layi tadanga di urang lain bisiak antun, itu bisiak Sungai Pua namo-no du.

Sumber : Buletin Sungai Pua No. 14 April 1986

TrackBack URI for this entry

Comments (0)

Subscribe to this comment's feed