anak urang

sabanta

alah

bakeh

Pasambahan (2)
Caro Mananyo Tumpuan Kato/Manjawabnyo
Oleh : Amiral Agus Rajo Lelo
Disadur dari buku Pasambahan/Pidato Alek Adat Minangkabau

Keteranangan : Sebaiknya sebelum pembicaraan dimulai ditanyakan pada siapa kato atau sembah di alamatkan.

Pangka Caranya :
 Anak urang sungai balangsiang
 Nak lalu ka simarasok
 Nak taruih ka bangkahulu
 Singgah sabanta diantokan
  Carano alah sudah kami tatiang
  Jamba alah sudah kami atok
  Batanyo kami ka bakeh angku
  Dimano sambah ditibokan

Jawabannyo dari Alek.

Salorong diri badan ambo, bukan ceceh karano aka, bukan gendeang karano budi, sorong lompatan digalanggang, tapi adopun kato sapatah nan basabuik, rundiang sabuah nan katangah, nan tabik dibadan diri ambo, kok pai lai jo mupakaik, kok tingganyo lai jo parundiangan, lai pai karano suruah, lai baranti karano tagah, nan marusuah nan manggamang diambo kini, nan rancak manuruik biaso, hituangan nak nyo sampai, bilangan nak nyo cukuik, ma sabanyak gayuang sabanyak sambuik, sabanyak kato sabanyak jawek, tapi kato nan indak tajawek, gayuang kok indak tasambuik, indak tabaliak bak mamanggang, indak taulang bak manyapuah, timbangan kok ndak samo barek, ukuran kok indak samo panjang, maaf jo rila panyudahi, pulang maklum kapado datuak.

Jawaban dari Pangka

Alah sampai dek Datuak….!
Dek kami asa lai gayuang ka basambuik, kato lai kabajawek, indak ka diuji samo merah, indak kadipanggang samo anguih, panjang jo singkek batarimo. Alah kasanang hati Datuak .

Jawaban Alek
Kami sangko taditu kok barumuak samo dalam, balari nak samo kancang. Insya Allah kato ambo jawek gayuang ambo sambuik, ambo tapati janji nan ta ikrar, ambo bayiakan utang nan di pabuek.
 

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!