nan dikatokan limbago adolah
Nan taraso di hati manuruik aka jo ilimu

adaik diisi limbago dituang
Ingek adaik jan nyo rusak
Jago limbago jan nyo sumbang
Gadang adaik dek limbago
Tagak sumpik dek isinyo

Kok indak ado barado
Indak tampuo basarang randah
Kok tak sabab bakarano
Indak limbago ka barubah

Limbago nan sapuluah dibagi ateh
Partamo cupak nan duo
Kaduo undang nan ampek
Katigo kato nan ampek

Cupak nan duo adolah
Partamo cupak usali
Kaduo cupak buetan

Undang undang nan ampek adolah
Partamo undang undang nagari
Kaduo undang undang urang dalam nagari
Katigo undang undang luhak
Kaampek undang undang nan duo puluah

Kato nan ampek adolah
Partamo kato pusako
Kaduo kato mupakaik
Katigo kato dahulu batapeki
Kaampek kato kudian kato bacari

Gulai kacang dalam bulango
Masak sanjo dimakanpagi
Dimakan anak mudo mudo
aso adaik duo limbago
Pakaian basamo dalam nagari
Binguang jo miskin jan dilendo

Oleh : a.B. Dt. Majo Indo
Disadur dari buku "Kato Pusako"

(disadur oleh Dewis Natra 2 November 2004)
 

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!