Jalan (02)

 Assalamu'alaikum.w.w.
 
 ....Kito sambuang baliak nan kapatang....
 
Jadi, aka sajo indak dapek mambuek urang menjadi elok.  Sabab aka tu ado pasang suruiknyo. Itu sababnyo  dalam hukum fiqih urang baraka dihukum, disabuik  mukalaf, urang gilo indak kanai ukun. Urang gilo  indak  masuak narako kalau nyo gilo dari ketek. Kalau lah gadang (dewasa), lah 40 baru gilo, kanai juo. Tapi  urang nan alah 40 tahun, kalau inyo indak pernah  gilo  sabalunnyo, indak ka gilo-gilo do tu. Nabi mangecekkan,
"Barang siapa yang sudah berumur 40 tahun maka selamatlah ia dari 3 perkara, gila, sopak dan kusta".
Kalau lah 40 indak ka gilo do lai doh sabab potensi gilo lah indak ado jo inyo do. Kok gilo juo, aa  salah
inyo lah tu   ...:).
Dek sabab itu anak nan alun baraka indak buliah ditokok, dilapia.  kuciang mancilok lauak indak
buliah ditokok karano inyo ndak baraka. Sia nan baraka ?,  awak nan baraka, tutuik lauak tu.
Iko indak, di latak an di ateh meja, kuciang mancilok, kuciang lo nan salah. Kuciang ndak salah dek karano  inyo makhluk nan indak baraka. Nan salah makhluk nan  baraka, inyo nan indak manutuik lauak.
Lai ka namuah pulo kuciang bapikia
 "ambiak indak....ambiak ...indak..?".....:).
 Awak nan baraka.
Apo makna aka, aka maknanyo ikat.
Arab manyabuik `iiqal.
kabek kapalo urang arab tu disabuik egal.
Egal ko sabananyo dulu, takah iko caritonyo.
Katiko mereka musafir di padang pasir, sudah tu baistirahat, supayo unto jan lari, mako dikabek lutuik unto tu supayo ndak bisa tagak dan ndak bisa lari.
Kalau nyo bajalan baliak dibukanyo kabek tu. Lamo-lamo nyo sadiokan khusus untuak pengabek kaki unto ko sabantuak simpai dek awak. Katiko istirahat dimasuakkan ka kaki unto tu, ka bajalan nyo bukak, sudah tu ndak sangajo-sangajo di latakkan di ateh  kapalo......eh rancak pulo nampaknyo. ...:)
sampai  kini dipakai. Itulah asal egal tu.
 ...Tau urang arab berang nyo ko ... :)
Dek urang awak ado pulo nan babali tu .... :)
      Kito baliak baliak, aka sajo indak cukuik mambuek urang jadi elok. Mako kito paralu hidayah. Kito mintak hidayah. Dek karano aka indak dapek mambanakan ado atau ndak ado nyo Allah.
Aka dapek mamikiakan sekedarnyo sajo. Kito mintak hidayah ko kapado Allah. Jan dimintak ka manusia hidayah.
Mamintak ko....., mintaklah ka Allah....
Dek karano Allah sayang ka hamba nan rajin mamintak.
Tetapi manusia berang, tabik jiin, kalau awak acok mamintak. Allah suko, sayang, rindu ka urang nan rajin mamintak. Kana dan ingek ko elok-elok....
Kana elok-elok bana ko.
Tapi Allah berang ka urang nan jarang mamintak ka
Inyo.
Manusia berang ka urang nan suko mamintak ka inyo dan sanang kalau indak dimintak.
Mako mintaklah ka Allah swt., sampai nan saketek-keteknyo. Sampai tali sipatu pun buliah dimintak.
Cuma nan patuik dimintak tiok ari dalam hal iko adolah hidayat. Jalan nan luruih. Jalan nan luruih nan baa ?.
   "Ih dinash Shiraathal mustaqiiim".
Dan memang dalam sumbayang tiok hari dimintak. Subuah-subuah, "Allahumah dini fi man hadaid"   Yaa Allah berilah kami hidayah
Dalam duduak antaro duo sujuik, Rabbir firghli, warhamni wajburni warfa'ni warzuqni,.....  wahdini..  wahdini ko aratinyo....
"Beri aku hidayah".
Mako handaklah diselaraskan, disamokan antaro nan dimintak jo perbuatan. Ikolah nan dinamokan "taufiq". Acok awak mandanga dari ustad-ustad, wabillahit taufiq wal hidayah.
Sabananyo "wabillahil hidayah wat taufiq".
Hidayah dulu baru taufiq. Sasudah mamintak ka Allah hidayah, barulah perbuatan kito, amalan awak, parangai  awak jo pitunjuak Allah swt. harus diselaraskan.
Iko nan disabuik taufiq. Taufiq maknanya muafakad.
Muafakad maknanyo sasuai, sejajar diantaro amalan jo permintaan. Awak mamintak dari pagi-pagi berikan kan aku hidayat ya Allah
 .....eh ikuiklah hidayat tu....
Jan pagi-pagi mintak hidayah, kalua-kalua rumah..
 duduak-duduak di lapau main domino. "...Manga ngku pagi-pagi...ko ?"
"...Eh  indak,...bukak-bukak gak salacuik".....:)
   Urang padusi, pagi-pagi mintak hidayah, kalua-kalau rumah… ndak bajilbab.....:) Iko namonyo ndak samo perbuatan jo permintaan.
nyo andaknyo Haruslah samo antaro permintaan jo amalan. Mestilah samo antaro hidayah jo taufiq.
Nampak kan…?    Baa awak salamo ko ?.
Amalan, perbuatan, perangai, tingkah laku, tindak
tanduk, caro hiduik, caro bakarajo, cara berniaga,
caro  berolahraga, caro bertetangga, caro bermasyarakat, caro bernegara, mestilah samo antaro hidayah nan dimintak jo taufiq.
Baa awak nio hidayah tapi awak ndak ikuik hidayah tu.
Nan awak mintak tiok ari dari pagi sampai 17 kali kecuali hari jum'at 15 kali. Baa ka dapek hidayah kalau indak diiriangi jo taufiq.
Dek sabab itu, kito mesti ikuik apo nan disyari'atkan.
Barulah berbahagia dunia dan berbahagia di akhirat.
 
Kemudian shiraathal ladziii na an'amta `alaihim.
Jalan nan dimintak tadi itu jalan nan baa ?.
 
 ...oops lah panjang pulo....
 ... bisuak kito sambuang.... Insya Allah...
 
 Wabillahil hidayah wat taufiq
 
Wassalam
 
St. Sinaro