Jalan (09)

Assalamu'alikum.w.w.

   ...kito sudahkan nan kapatang....

Awak tiok ari mintak hidayah, walad dhaaliin, aratinyo
indak suko jalan urang sasek, tapi pakaian nan dipakai
pakaian urang nan sasek tu juo.

Tubuh perempuan itu menggoda, lelaki indak. Laki-laki pakai skirt, pakai bikini sia nan nio maliek ?. 
Kecuali laki-laki nan rancak bantuaknyo kapadusian,
mambuek kaum homo bergairah (iko pun trendi urang
amerika lah akhir-akhir ko).
Tapi secara umum indak ado do. Perempuan baumua pun masih manggoda. Imam syafi'i sewaktu di Baghdad mangecekkan manyingguang padusi baumua indak bata uduak. Tibo di Mesir dikecekkannyo bata.  Karano apo ?.
 Sampai di Mesir nyo caliak surang padusi baumua
bakucindan juo jo seorang pemuda,... sudah tu
dikecekkannyo bata.
    Yahudi dan kristen sangajo mambuek manusia lalai.
Diadokanlah pemilihan ratu kecantikan atau miss-miss. Miss iko lah miss itu lah. Nan sadonyo mancubo
mengeksploitasi kecantikan dan keindahan tubuh kaum parampuan. Eh,... nan awak ikuik pulo, itu lah
masalahnyo. Awak ikuik gaya kristen, arak kristen,
judi kristen, ado pulo pub-pub tu kristen.  Disiko
malasalahnyo. Awak tiok ari mamintak jalan, bukan
jalan urang yahudi, dan bukan pulo jalan urang nasrani, tapi pai juo ka tampek-tampek yahudi jo kristen tu. Dek pemerintah atau sia se lah nan bagak izin baagiah juo dan malah manjadi tulang pungguang. Judi arak, diskoktik-diskotik… dan sagalo macamnyo. Kito mangicuah
 Allah swt. sabananyo.  Sadar ndak awak lah mangicuah Allah swt ? . Kito ndak nio, subuah-subuah awak lah mamintak ghairil maghdu biu 'alaihim, walad dhaaliiin, Kami ndak mau jalan yahudi, dan bukan pulo jalan kristen, subuah-subuah alah mamintak. Tapi apo nan yahudi buek, awak buek, apo nan kristen buek awakpun mambuek. Ma nan awak tulak ?.
Itu sababnyo ghairil maghdu bi 'alaihim, manga ndak
baranti sajo di Shiratalladzii na an'amta 'alaihim...
Alah...
Ndak... ruponyo alun cukuik dan ndak cukuik rasonyo
dek ndak paham. Ghairil maghdu bi 'alaihim. Yang
yahudi buek awak ndak nio, walad dhaaalin, nan kristen buek awak ndak nio.
Iko patuiknyo masalah nan kito paralu inok ranuangi
kok iyo lai awak urang-urang nan mangaku Islam dan
mancari  jalan Tuhan dan ingin masuak sarugo. Awak ikuik atau indak jalan nan diajakan dek Tuhan Allah. Kalau indak, nan awak sumbayang dari subuah sampai malam limo kali sahari tu untuak aa ?.
  Mako di akhirnyo awak mambaco. Aaammiiin.
Sunat mambaco Aaamiiinnn dalam sumbayang dan indak sunat di lua sumbayang.
"Fainnahu man wabgha ta'minu ta'minul malaikah,
ghufira lahu ma taqaddama min zhambih"
  Kalau serentak Amiin kita dengan Aaamin malaikat
maka diampuni dosa yang telah lalu.
Oleh sabab itu, aaamiiin itu handaklah sarantak jo
imam. Jaan buru-buru. Iko indak, makmum lo dulu.
Ndak saba-saba. Walad dhaaaliiinnn…… aaa lah tibo,
imam baru ka maelo angok.
Manyabuiknyo aaaamiiiinn, bukan amiiin, karano arti
balain. Handaklah agak panjang aa nyo tu stek,
aaaamiiiin. Artinyo istajib du'a ana. Perkenan do'a
kami yaa Allah. Untuak bisa diperkenankan tu, tantu
harus sasuai aa nan dimintak jo perbuatan. Sasuai
antaro hidayah jo taufiq. Baru Insya Allah dapek. 
   Mudah-mudahan uraian ko dapek manjadi manfaat bagi kito basamo. Nan paralu indak sajo pemahamannyo tapi pengamalan nyo. Dan awak bado'a semoga Allah maagiah kekuatan ka  awak untuak dapek maamalkannyo.
Sakian sajo dulu.

Wabillahil hidayah wat taufiq

Wassalam

St. Sinaro

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!