|
Page 6 of 9
Jalan (06)
Assalamu'alaikum.w.w.
... kito sambuang nan kapatang agak snek....
Indak takao dek awak takah Abu Bakar tu,
... aaa .....Was syuhadaa’ ....
Baa patang ?, minan nabiyyiin, was shiddiqiin,
.... was syuhadaa...
Urang-urang nan mati syahid... Hidayah takah iko nan
kito mintak, jalan takah iko nan kito tuju.
Baa syuhadaa’ ko. .....Iko pun payah juo ko...
Bayangkan urang pai parang nio mati.
Parang fi sabilillah.
Urang dulu barabuik-rabuik nak mati syahid, dek karano lah nampak balasan tu dek nyo. Rami barabuik-rabuik.
Urang kini, rami juo pai parang, tapi pai parang
nak iduik. ..hmm… banser-banser...tu...:).
Kasadonyo bi manuntuik ilmu kebal. Sadonyo nio iduik,
ndak nio mati.
..He he... pai parang nak nio iduik usah pai parang.
Kato ahli falasafah, takuik mati tu indak bisa
mamanjangkan umua, barani mati tu indak bisa
mamendekkan umua.
Khalid bin walid pai parang ndak mati-mati, parang
ndak pernah kalah...aaa buliahnyo mati di rumah.
Suatu hari, parang, musuah bukan main banyaknyo.
Aa kecek Khalid, rancak kito baliak, istirahat dulu.
Aa gunonyo dek nyo, untuak maatur strategi, baa jo
laskar nan saketek bisa manang parang.
Akhirnyo manang.
Dari segi hukum perang, baliak...salah.
Lari dari medan perang...salah. Rambuik putiah, haram
hukumnyo maitamkan kecuali tentara, gunonyo untuak mampatakuik musuah. Kok putiah lo sadonyo kan musuah jadi berani. "Lah gaek-gaek ko mah" keceknyo.
Mako buliah maitamkan rambuik, dalam keadaan baparang.
Dalam keadaan normal indak buliah, walaupun nan itam tu inai. Itu sababnyo mancabuik uban tu hukumnyo makruh. Karano uban tu, "fainnahu nuurul mu’min", Uban itu cahaya orang-orang beriman.
Tapi nan mudo-mudo jan mintak lo capek bauban....:)
Ado lo urang mancabuik uban supayo nampak mudo.
Nan mintak mudo sabalun mati ko jin sajo nyo ko.
Tuhan mangabuakan. Sabalun mati jin bisa mudo baliak.
Kok ado lo urang nan mintak mudo, aaa adiak baradiak jin tu ma ....:)
Kito baliak baliak, .... Was syuhadaa.
Urang zaman nabi pai parang iyo nak nio mati sadonyo.
Anak-anak di zaman nabi, nio pai parang,
maninjek-ninjekkan kaki nyo supayo nampak agak gadang, karano dek nabi anak-anak ndak buliah pai parang.
Ado pulo sorang ayah, tengkak kakinyo ka pai parang.
Batangka jo anak
"Ayah jaan pai ayah, kaki ayah tengkak"
"Ndaak, den kapai juo"
"Jaan ayah,...."
"Ndaak, den paii"
Batangka anak baranak, pai maadok Rasulullah.
Aa kecek Nabi,
"Jangan pergi kaki angkau cacat"
"Tidak yaa Rasulullah, aku pergi juga, walau kaki
aku cacat, tangan aku tidak".
Pai jo inyo parang, mati nyo ....
Itulah ndan dikandak-i nyo. Dek karano maliek
balasan itu.
Sudah tu ado lo ketentuan dari Nabi bahaso kalau
ado duo urang laki-laki di ateh rumah, indak buliah
pai ka duo-duonyo do. Surang musti tingga, jago rumah.
Dalam sabuah rumah tu ado duo urang, anak jo ayah.
Batangka sia ka pai, lalu diundi. Namo anak nan kalua.
Aa kecek ayahnyo.
"Ang jan pai, biar den pai".
"Ma lo bisa ayah, namo ambo nan kalua"
"Den tau, tapi kito tuka sajo".
"Ndak bisa ayah namo ambo nan kalua"
"Iyo den tau, ang jan pai, kito tuka sajo"
"Ndak bisa ayah, ko sarugo ko yah, nan lain-lain
buliah tulak ansua ayah, sarugo ndak bisa tulak
ansua do yah"
....aaa,....maknanyo barabuik rabuik nak pai ...
Kalau tibo di awak….?
"Ayah ka pai, pai lah".......:)
Hanzalah, ... baru kawin.
Subuah-subuah rami urang di lua.
"Mangaa urang ko ko", keceknyo..caliak- caliak, urang pai parang.
Langsuang nyo ikuik, tingga bini nyo.
Mati....nyo, ....baru kawin....
Tibo di awak ?.......:)
....Itulah para syuhadaa’... banyak caritonyo...
Urang Islam datang ka nagari Cino pai parang,
Aa kecek urang cino pulo,...
"Tuan-tuan pulang se lah,...
Muko-muko takah iko parang, rancak pulang..."
Kecek urang Cino mampatakuik urang Islam.
Aa jawab mereka, "Kami datang wahai Tuan,
Kami datang kamari untuak mati, ndak untuak iduik do"
Pucek muko rajo cino tu dibueknyo.
Sadonyo baniek mati.
Itu para syuhadaa...., lai katatiru ?.
Sarupo penaklukan spanyol.
Tuan-tuan liek Thariq bin Ziad tu. Jibraltar tu, nan
dakek spanyol tu sabananyo Jabal Tariq tu, disingkek
manjadi Jibraltar. Urang-urang kulik putiah manuka
namo tu. Bantuak Portugal tu, sabananyo Burtuqal tu.
Burtuqal dalam bahaso arab maknanyo limau. Nagari tu ditanami limau di janlan-jalan kota nyo. Batang limau tu banyak, buahnyo bisa di ambiak.
Awak ?, tanam apo ?.
Mahoni di tangah kota, untuak aaa ?.
Kok lai na untuak ubek kecek urang, jarang nan
maambiak. Kalau batang limau sakuliliang kota kan
rancak pulo tu. Tapi itu urang. Lamo-lamo dituka
manjadi portugal. Iko nan ditaklukan dek urang Islam
dulu.
Tariq bin Ziad, nyo baok kapa manyubarang ka spanyol, sampai di spanyol nyo baka kapa tu.
Aa keceknyo sudah tu.
"Tuan-tuan sekalian, sekarang musuh dihadapan, dan
laut di belakang, tuan-tuan pergipun mati pulang pun
mati, pilih lah".
Kapa lah ndak ado lai, tu baa ?..... Parang.
Dapek spanyol tu dek nyo.
Kini kok kito kana spanyol tu sadiah awak dinyo dek
karano daerah tu kembali dikuasai kristen. Sasudah
urang-urang Islam wakatu itu mabuak dunia dan lalai
dari agamo ko. Katiko takluk tu urang-urang krsiten
tu mangecekkan
"Urang-urang Islam buliah tingga di spanyol".
Tapi sabulan sudah tu diburu-burunyo urang Islam dan
dibunuah. Pembantaian keji sampai habis.
... Iko carito syuhadaaa.... banyak caritonyo...
... Kito sambuang bisuak....
Wassalam
St. Sinaro
|
