Jalan (07)

Assalamu'alaikum.w.w.

Iko carito syuhadaaa.... banyak caritonyo...
... Mari kito sambuang snek....

Ado pulo suatu kisah urang arab.
Urang arab maimbau urang cadiak ko "yagada' "
Yagada' ko istilah urang Mesir artinyo urang cadiak.
Gada' sabananyo bukan pandai, gada' dari jada-a
Maknanyo potong hiduang. Atau hiduang dipotong.
Kalau urang ndak paham nyo sangko potong hiduang.
Suatu hari sejarahnyo, Surang laki-laki pulang parang
dek diagiah maso istirahat. Istirahat lah inyo sabulan
 duo bulan. Abih masonyo, inyo kanai pai baliak.
Anggan nyo, ndak nio nyo pai. Kecek bininyo
"Uda ndak pai parang ? "
"ndak, maninggakan adiak ndak sanggup rasonyo do"
"Dek aa ?"
"Adiak rancak bana ka ditinggakan"
Memang bininyo rancak, hiduang mancuang, ndak sampai hati.
"Uda, dima rancak ambo da ?"
"Rancak awak di hiduang tu lataknyo"
Bini nyo ko, nyo pai masuak Biliak, nyo potong hiduang nyo. Aaa lai, rompong hiduang tu.
Mancaliak hiduang rompong, "den pai parang " ... :)
Sampai kini diimbau yagada, isteri nan cadiak.
Itu sejarahnyo.
Sarupo itu bana isteri menggalakkan suami pai
baparang.
Nampakkan ?...
Kok tibo di awak ?.
Jan kan pai parang, pai ka surau sajo, susah
  "Ndak ka surau ?"
 "Baru kawin....."   ....:)

Itu syuhadaa', urang-urang nan mati syahid.
Syahid ko tabagi tigo.
Syahid dunia akhirat, syahid dunia, syahid akhirat.
Syahid dunia akhirat, urang pai parang fi sabilillah.
Pai parang karena Allah, bukan karena negara atau
bangsa. Mati nyo, indak buliah disumbayangkan, indak dimandikan, indak dikapankan. Dikubua langsuang. 
Darah menjadi saksi, inyo langsuang masuak sarugo
kalau indak ado utang. Urang barutang walau mati
syahid indak masuak sarugo do.
Syahid dunia, iko pun indak dimandikan, indak
dikapankan, indak disumbayangkan. Syahid dunia, di
akhirat ndak dapek pahalo, dek karano pai bukan karano Allah.
Syahid akhirat, iko ko umpamo, mati kecelakaan,
jatuah kapa tabang, tabaka, tabanam, sakik tha'un,
urang padusi baranak, atau mati dalam nifas. Walau
bukan mati wakatu malahiakan, tapi dalam nifas,
mati,.. syahid akhirat.
   Tapi urang jawa, mati baranak dek nyo jadi
kuntilanak ...:)
Aneh, ado lo jadi kuntilanak. Sabananyo syahid
akhirat. Makna syahid akhirat ko, indak disiksa di
alam kubua. Di akhirat isuak, ... Nabi bersabda,
"Innal qabra manzilun min manazil akhirah, faman naja minhu fama ba'dahu aisab minhu, fama lam yanju  fama ba'dahu asyadu min hu"
Sesungguhnya kubur itu merupakan satu diantara
stasiun-stasiun akhirat. Barang siapa yang lepas dari
 azab kubur, maka lebih dari itu lebih-lebih lagi,
Barang siapa yang tidak lepas dari siksa kubur, maka
sesudah itu  lebih berat lagi.
  Itu sababnyo awak taruih mamintak ka Allah swt.
supayo dijauahkan dari azab kubua.
"Allahumaa inni 'audzubika min 'azabil qabr,
 wa fitnatihi, wa 'azabin naar"
 Kito baliak baliak....
Aaa... ikonyo syuhadaa'....
Kito mintak bantuak urang mati syahid ko, .. payah
rasonyo ka dapek…
..aaa.ado ciek lai.. was shaalihiiin...
Minan nabiyyin, wasshidiqiin, was syuhadaa'..was
shaalihiin..
Jadi urang shaleh pun jadilah.
Urang-urang nan beramal, urang-urang nan babuek baiak.

Jauah saketek lai, amar ma'ruf, nahyi munkar. Jauah
saketek lai, mampatahankan perjuangan Islam,  Shaleh.
 Memang para syuhada adolah urang-urang yang berjuang mempertaruhkan nyawanyo, mako urang shaleh, berjuang juo, walaupun indak parang, tapi berjuang untuak tagaknyo sebuah negara yang mengikuti hukum Allah  misalnyo. Urang-urang nan babuek baiak nan ba akhlak tinggi. Sakurang-kurangnyo senyumpun jadilah. Tiok basuo jo urang tersenyum, indak maagiah pitih bagai ndak baa, senyum pun jadi lah. Tapi jan senyum
surang-surang. .....:)
"Innal ladzii na aamanu wa'amilus shaalihaati".
Beriman dan beramal, memperbaiki keadaan. Basuo kulik pisang di jalan, diambiak dibuang  di tampek sarok, supayo urang lain jan jatuah. Dan banyak karajo lain untuak manjadi shaleh.
     Diantaro nan marusakkan iman adolah mencerca
urang-urang nan babuek baiak, mempermain-mainkan
urang-urang 'alim jo urang-urang shaaleh. Harus
diingek iko ko. Iko lah tajadi di masyarakat awak.
Kan nabi manyabuik, al ulama warasatul anbiya'.
Al ulama masabihul ardh. Ulama itu pewaris para nabi,
ulama itu lampu dalam dunia ini.

.... Kito sambuang isuak ....