Ditimbang jo aka budi Dipakai raso pareso Ditimbang jo nyao badan
Kuaik rumah karano sandi Rusak sandi rumah binaso Kuaik bangso karano budi Rusak budi hancuelah bangso
Budi jan tajua Paham jan tagadai Kok kayo, kayo dek budi Nak mulie, mulie dek baso Budi nan indak katinjauan Paham nan indak kamaliangan
Banyak cinto marisau ragu Budi manunggu jo ilimu Paham babisiak dalam batin
Budi tak namuah tajua Paham tak namuah tagadai Ditiliak jo aka budi Muluik manih baso katuju Budi haluih bak lauik dalam
Anak ikan dimakan ikan Ikan tanggiri di dalam lauik Sanak bukan famili bukan Karano budi basangkuik pauik
Anak ikan dimakan ikan Gadang ditabek anak gurami Ameh bukan pangkek pun bukan Budi sabuah nan urang cari
Anak nalayan mambao pangkue Ditanam ubi di tanah darek Baban sakoyan dapek dipikue Budi saketek taraso barek
Ka puncak barangin-angin Babelok jalan ka kiri Dilagak urang tak ingin Budi nan baiak nan dicari
Sarikayo jo sari lamak Buah rambai di dalam nyiru Pisau sirauik latak di laci Dikayo urang tak mintak Dipandai urang tak baguru Kalo hiduik indak babudi
Dibagak urang kito tak ganta Karano kito indak pacakak Dikayo urang kito tak sagan Karano kito tak mamintak Dipandai urang kito tak kabatanyo Karano kito tak kabaguru Dipangkek urang kito tak malu Karano kito indak mintak karajo Dikuaso urang kito tak patuah Karano kito bukan pisuruah Dibudi jo baso bast sajo, kito nan tunduak
Pisang ameh bao balaie Masak sabuah di dalam peti Hutang ameh dapek dibaie Hutang budi dibao mati
Pulau Pandan jauah di tangah Di baliak pulau Angso Duo Hancue badan dikanduang tanah Budi nan baiak takana juo
1. Exellent Ditulis oleh Dadde pada Rabu, 06 Juli 2005Syukur alhamdulillah.. ternyata banyak urang awak yang peduli terhadap budaya minang sendiri. dan sangat memalukan sekali, kalau saat kini urang awak ndak tau jo kato pusako, apo lai tentang mautamokan budi baiak. mako dari itu.. ambo sangat satuju jo kato pusako iko
Hanya pengguna yang terdaftar yang boleh menulis komentar. Silahkan login atau daftar.
nan
