|
Written by Webmaster Cimbuak
|
|
Friday, 15 July 2005 |
Biriak-biriak tabang ka samak
Dari samak tabang ka halaman
Patah sayok tabang baranti
Basuo di tanah bato
Dari niniak turun ka mamak
Dari mamak ka kamanakan
Patah tumbuah hilang baganti
Pusako lamo baitu juo
Â
 adaik malingka pusako marungguah
Suarang dibagi pusako dibalah
Sako indak dapek disako-i
Pusako buliah dipusako-i
Â
Kok tasasak ikan ka ampang
Lah tasasak kijang ka rimbo
Indak dapek batenggang lai
Tak bakayu janjang dikapiang
Tak babareh atah digisiak
Kok tak baameh bungka diasah
Tak ado aie talang dipancuang
Guno harato pandindiang malu
Â
Ampek alasan pusako dijua atau digadai
Partamo untuak pambangkik batang tarandam
Kaduo karano rumah gadang katirisan
Katigo gadih gadang alun basuami
Kaampek maik tabujue tangah rumah
Â
Ado tigo macam nan dipusako-i
Partamo pusako
Kaduo sako
Katigo sangsako
Â
Nan dikatokan pusako
Miliak nan barupo sawah ladang ameh perak paninggalan urang tuo-tuo atau dari niniak muyang
Nan dikatokan sako
Iyolah gala pusako nan ditarimo turun-tamuruit manuruik garih turunan ibu
Nan dikatokan sangsako
Iyolah gala jabatan dalam adaik, umpamo gala katik, imam, bila, pakiah labai dan lain-laio
Â
Ado tigo macam pusako
Partamo pusako guntuang
Kaduo pusako randah
Katigo pusako tinggi
Â
Nan dikatokan pusako guntuang
Pusako dari kaum nan lah punah
Nan dikatokan pusako randah
Pusako nan ditinggakan untuak diwarisi
Nan dikatokan pusako tinggi
Pusako Tambilang basi niniak muyang
Â
Duo macam pusako tambilang
Partamo pusako tambilang basi
Kaduo pusako tambilang ameh
Â
Nan dinamokan pusako tambilang basi
Cancang latiah tarukoan niniak muyang diwarihkan hanyo untuak pasukuan Nan dinamokan pusako tambilang ameh
Pusako pambalian usaho induak bapak, kalo tak ado katurunan padusi buliah diwarihkan ka anak minantu
Â
Warih bajawek, pusako ditoloang
Harato pusako dipaliharo
Sumbiang dititiak, hilang bacari
Kurang ditukuak, patah batimpo
Runtuah dinaiakkan, rusak dipabaiaki
Â
Sako turun tamurun
Pusako jawek bajawek
Nan salingkuang cupak adaik
Nan sapayuang sapatagak
Trackback(0)
 |
|
Last Updated ( Monday, 25 July 2005 )
|
TrackBack URI for this entry
Subscribe to this comment's feed
