Jumat 16 Sept '05, Jam 8 pagi, kabatulan matoari sadang mancorong tarang. ambo baduo jo sumando,barangkek  dari Bulaan Kamba - Kubang Putiah - Banuampu, tujuan : "badorai".
Badorai ko adolah namo jorong di Kacamatan Sungai Pua (Dijorong Limo Kampuang).

Pemandangan ke arah Sungai Buluah dari Badorai (DSCN8680C)

Rasono BADORAI ko adolah point tertinggi nan bisa dicapai jo kendaraan di sisi Utara-Barat gunuang Marapi.




Pemandangan arah ke timur/Koto Baru dari Badorai (DSCN8660)

Arah jalan :
BALAI PANJANG (*1) -  Tanah Tumbuah - Kapalo Koto -  Limo Kampuang

Kalau dari utara(dari bawah) / dari Kubang Putih, keatas, sampai disimpang ampek BALAI PANJANG (pakannyo Sungaipua)- belok kida (keatas), jalan taruih kaateh, kalau ndak salah ado belok kida saketek. Tanyoganlah ka rang kampuang, tau sadono.




Gunung Singgalang dilihat dari Badorai (DSCN8672)

Sakiro 2.5 atau 3km  mandaki 30 derajat  sampai 40 derajat, sampailah di BADORAI. (sabalun badorai ado namo jorong Pincuran Badukuang).
Kalau jo oto parkir di surau sabalun habis jalan simin.
Sahabih jalan simin, titipgan honda dirumah panduduak. Lanjuikgan bajalan kaki (jalan tanah) (*2) kaateh, sakiro 500mtr sampai dilokasi pasawahan. Disiko lah dilutuk ( lutut) gunuang Marapi. Raso lah dakek ka puncak Marapi.

Sebagian Kecamatan Banuhampu dan arah barat (DSCN8717)

Nah di Badorai ko, mambulakangi gunuang Marapi, layangkanlah pandangan ka Barat - Utara / kabawah ; sabana lapeh pamandangan  (*3) kito bisa maliek mulai dari Koto Tinggi (Pandai Sikek ‚ Tanah Datar), sisi Timur Singgalang, ka daerah Agam Timur ;kasaluruhan Banuampu, Balingka, Ngarai Sianok,kasaluruhan Kiktenggi, Gaduk, Kamang, Pakan Kamih, IV-Angkek, Canduang, banyak nagari lain dibulakang BKT nan ambo indak tau.



Pemandangan Bukit Tinggi dengan Ngarai Sianok (DSCN8699)

Sebuah Mesjid di Sariak (DSCN86709)




Sudut Lain dari Mesjid di Sariak (DSCN8716)




Salah satu rumah di Sariak (DSCN8702)




Mesjid di Limo Suku, Sungai Puar (DSCN8650)

Bukit Tinggi dan Sekitarnya (DSCN8673)

Pemandangan ke timur/Koto Baru dan Pandai Sikek (DSCN8674)




Bukit Tinggi dan Ampek Angkek Canduang (DSCN8666)

Dibandiang jo panorama tabek Patah (antaro Baso-Batu Sangka) indak babandiang doh. Dibandiang jo Puncak-Jabar,  indak ado apo-apono doh.
Di Badorai ko labiah laweh view, labiah langkok.
Sabana rancak, sabana segar, unpoluted, sabana laweh panorama, sabana dingiiiiin Menakjubkan sekali.
Banyak nan indak tau dek indak pernah ditulis / diliput media.
Jadi untuak mancari posisi nan strategis harus cari sandiri ditabiang sawah urang. Indak ado tanah kosong untuak mangambangkan lapiak apolagi mandirikan kemah.
Untuak bamalam / bakemah kalau ado izin rang kampuang, cari sawah nan kariang. Tantunyo harus mehadapi resiko dingin dan angin, karano indak ado tabiang / pohon panahan angin.

Dengan  fasilitas nan sederhana untuak duduak, ado atok untuak balinduang jikok hujan. Sabananyo BADORAIko,  bisa dijual untuak turis baik lokal maupun nterlokal.

Bukit Tinggi, Banuhampu dan sekitarnya (DSCN8678)



Pemandangan ke timur dari Badorai (DSCN8680B)

(*1) Balai Panjang bisa dicapai dari Padang Panjang arah Bukit Tinggi.
 Tibo di Kotobaru belok kasuok, turun ka Sariak (ado mesjid antik sangat cantik) Balai Panjang Sungai Pua. Bisa dari Sungai Buluah naik keatas.
(*2) curam, licin jikok hujan, usahokan alas kaki nan indak licin
(*3) tagantuang cuaco, jikok matoari tarang baru bisa jauah pandangan.
Sarancakno bao taropong.



Bukit Tinggi dan sekitarnya (DSCN8680I)



Mesjid di Tangah Koto, Sungai Puar (DSCN8720)

TrackBack URI for this entry

Comments (12)

Subscribe to this comment's feed

dya said:

	sabananyo ambo alun pernah ka BADORAI lai doh. walau pun ambo urang sungaimpua tapi ndak pernah tahu dima itu badorai. ba a tu ndak ado foto badorai itu sendiri? bukannyo di situ ado aia tajun. mesjid2 di sungai pua yo bana megah. rumah gdgnyo lah perpaduan tradisional n modern. pokoknyo SUNGAI PUA it's very beautifully. bisa ndak ambo minta dikiriman fotonyo?????
	report abuse vote down vote up

September 28, 2005
Votes: +0

SjamsirSjarif said:

	Iko test, mancubo baliak mangirim komentar. Kapatang ambo kirimkomentar agak panjang stek, tapi keceknyo cuma untuak urang nan registered. Indak mancogok. Padohal ambo lah registered wkatu itu. Jadi cubo stek lu. Mudahan nan iko macogok....
	report abuse vote down vote up

September 28, 2005
Votes: +0

SjamsirSjarif said:

Aa, lai macogok test komentar sabanta ko, syukurlah. Patang sudah mancaliak foto-foto Badorai ko ambo agiah komentar tapi indak mancogok. Bunyino kiro-kiro saroman iko: 1. Rancak-rancak. Pueh ambo mancaliak gambar-gambar tu. Ambo baru ka sakitar tampek tu pado awal 2004. 2. Mancaliak teks di bawah babarapo gambar, ambo komentar. Barangkali Angku Bandaro agak maleset manganai arah "Mato Angin". a. Pemandangan arah ke timur/Koto Baru dari Badorai (DSCN8660), Pemandangan ke timur dari Badorai (DSCN8680B), Pemandangan ke timur/Koto Baru dan Pandai Sikek (DSCN8674). Baiak Koto Baru, Sungai Buluah, Pandai Sikek, arahno indak ka arah "Timur" (East) dari Badorai doh tapi ka "Barat Daya" anataro Barat jo Selatan (Southwest). b. Teks manganai Bukit Tinggi dan Ampek Angkek Canduang (DSCN8666) mungkin maleset saketek karano Ampek Angkek ado di Utara Badorai takalinduang dek Tulang Bukik dari arah Bukik Batabuah. Wakatu ambo ka sinan (awala 2004 tun) ambo pancang manjarah-rancah rimbono mamutuih ka "Sirangkak Gadang". Nan tampak di gambar tu hampia saroman jo arah Banuampu [Bukit Tinggi, Banuhampu dan sekitarnya (DSCN867] cuma tukiak-ambiak fotono jo angle(suduik -lensa)no nan agak balain. Di gambar tu, sabalah kanan cuma tampak daerah Tigo Baleh, alun sampai ka Ampek Angkek lai nan latakno di sabalah Timur dari Tigo Baleh tun. Tarimo kasi kito ka Angku Bandaro nan mambagi-bagi pangalaman baliau sarato Rang Dapua Cimbuak nan lah mambari ruangan untuakmamampangkan gamabar-gambar ko. Good job. Salam, -- Sjamsir Sjarif X___________________________________________Sjamsir Sjarif Indonesian Translator, Interpreter, and Cultural Consultant 335 Gault St. #1, Santa Cruz, CA 95062, USA Email: This e-mail address is being protected from spam bots, you need JavaScript enabled to view it Tel. (831)-426-1333 Fax (831)426-8907 http://www.usindo.net/hambo Member of: ATA, American Translators Association http://www.atanet.org/ NCTA, Northern California Translators Association http://www.ncta.org/ IPA, Indonesian Professional Association http://www.ipanet.org/ =======================================================

report abuse vote down vote up

September 28, 2005
Votes: +0

syafril said:

	Ba'a kok minta dikirim fotonyo ? Kan bisa langsuang disave di komputer. Klik sajo pas di photo tu, beko kalua gambar disket, printer dll, piliah se gambar disket, gambar langsung di save ka komputer awak tu mah.... Syafril
	report abuse vote down vote up

September 29, 2005
Votes: +0

syafril said:

	Baribu maaf ambo sampaikan ka haribaan Dya,kironyo jo caro nan ambo sabuik an tadi kualitas gambar ndak sajaleh file aslinyo.
	report abuse vote down vote up

September 29, 2005
Votes: +0

IKMTUAHSAKATO said:

	ma ko aia tajun nyo?mantap klo ado aia tajun tu.tmbh foto aia tajun tu..sippppp!!!
	report abuse vote down vote up

September 29, 2005
Votes: +0

niko05 said:

	baa kok ndak ado foto aia tajun di badorai tu, kami urang di rantau lah taragak bana jo kampuang, tapi sarancak nyo foto2 daerah di sungai pua di pa banyak. bisa ndak foto tu di kirim soalnyo kalau di printer indak jaleh do. sabalunnyo ambo ucapkan tarimo kasih
	report abuse vote down vote up

October 01, 2005
Votes: +0

addendra said:

	HEEE, BISA PULANG KAMPUANG LEWAT CIMBUAK !
	report abuse vote down vote up

January 04, 2006
Votes: +0

Tamu said:

	ya ALLAH ndak bisa ambo mangecek lai. rancak bana. taragak pulang. trims CIMBUAK
	report abuse vote down vote up

May 11, 2006
Votes: +0

rita said:

	Baa indak ka bangga manjadi urang minang..... Nagarinyo sarancak itu ditambah jo urang2 nyo nan elok2... jadi takana jo kampuang... taragak pulang jadinyo... hehe
	report abuse vote down vote up

May 12, 2006
Votes: +0

Delta B said:

	bana tagak bulu kuduak ambo mancaliak mah sajik an rancak bana di sungai pua, karano ambo waktu ketek(50 thn) nan lalu , ampiai 6 bulan tingga disinan ikut urang gaek,baa ka indak tamanuk maliek pamandangan na indah di ranah minang.tarimo kasih bana nan mambuek foto,insyaallha ambo & kel akan kakampuang Sianok bulan Sep 06 yad.
	report abuse vote down vote up

July 30, 2006
Votes: +0

Uni dewi said:

	walaupun awak urang sungai pua,wak baru sakali pai kabadorai thu,pai kasitu kenangan terindah,pemandangan yo rancak,wak pun bisa caliak nagari galuang,walaupun indak jaleh.taragak oi pai kasitu baliak,salam dari urang galuang,sungai pua :grin null
	report abuse vote down vote up

August 13, 2007
Votes: +0