|
Pituah |
Pisau gadang pisau tambatu
Dibaok urang ka taluak bayua
Di makan anak dari salido
Rumah gadang basandi batu
Adat basandi alua
Alua nan kaganti rajo |
|
|
Bagurau Sampai Subuah di Bogor tgl 20 Mei batuka Hari (Diundur) |
|
|
|
Ditulis oleh Bandaro Labiah
|
|
Rabu, 17 Mei 2006 |
Assalamu'alaykum w.w. Kapado Niniak  jo Mamak, alim jo ulamo, cadiak pandai bundo kanduang sarato nan mudo pandindiang dunia, ketek indak ambo sabuik namo, gadang indak baimbaukan gala, sarapek papek no lah kapado sidang cimbuak nangko karano bapakai manuruk adat manjadi undang di nan tuo kato asa kato bamulo, kato kudian nan batapek-i.
Satantangan acara Bagurau Sampai Subuah di Bogor, iyo alah bulek kato jo mupakaik, lah bulek aia dek pambuluah, akan diadokan tanggal 20 Mei, tapi dek harok nak ka buliah, cameh ka ilang, tibo pulo ulak jo alai dari Pejabat nan barado di Bogor, iyo nak mintak dituka hari, dialiah wakatuno. baa sabab dek baitu, iyo nan acara Bagurau tu nak kadikatangahkan sabagai Kapalo Jamba pado hari Ulang Tahun Kota Bogor, iyo di partangahan bulan Juni nan katibo ibaraik manenggang dibanang sahalai, rumik lah kito mamikiakkan, tapi supayo rantak nak sadaram, ibaraik lenggang nak sapai, lah ambo cubo mambaok mupakaik jo pandanga, nampakno, lai pulo sapakaik manarimo hari nan batuka, wakatu nan dialiah. Sungguahpun banano persiapan untuak acara tanggal 20 lah dapek dikatokan 95 %, ciek sajo nan alun dipasan, iyo nasi bungkuh. Tapi, bak kecek cako, dima rantiang dipatah, disinan sumua dikali, disitu pulo aia disauak. Dengan sagalo karandahan hati, ambo sampaikan, kalau acara Bagurau sampai subuah di Bogor, baraliah wakatu , batuka hari manjadi partangahan bulan Juni itu nan dapek ambo sampaikan, rilah jo maaf juo ambo sampaikan, nan agak iyo di awak, nan agiah dek nan Kuaso. Pulang maklum ka nan basamo Wassalamu'alaykum w.w. Bandaro Labiah |
1. Salam Kenal
Ditulis oleh Tamu Jefri Efendi pada Sabtu, 20 Mei 2006
assalamu alaikum wr wb
Salam kenal untuk Niniak mamak ,alim ulamo ,cadiak pandai dan dunsanak kasadonyo, ambo urang rantau dari Bogor
mambaco artikel Bagurau sampai subuh di bogor Ambo jadi ingin tahu bilo kapastian acara tu,
| 2. Acara bagurau
Ditulis oleh Erwin M pada Sabtu, 20 Mei 2006
Acara bagurau tu akan di adokan bulan Juni, kok kapastiannyo supayo labiah tapek cubo danga radio RRI Bogor dalam acara Bagurau di Udaro satiok hari Jumat jam 21.00 WIB, ado mamak Bandaro Labiah nan manjadi pambao acaranyo | 3. salam kenal
Ditulis oleh suntuak pada Senin, 03 September 2007
sabalun kato katangah rila jo maaf ambo pintokan kabakeh niniak mamak,cadiak pandai ,alim ulama sarato dunsanak kasadonyo yang ado di lapau kito ko,,
izinkan ambo untuak mangenalkan diri ambo ko,
kok bak kecek urang ketek banamo gadang bagala,kok namo ambo iwan kok gala iyo alun dapek lai,dan kini dagang ambo sadang balabuah di pakan baru,,dan harok ambo kaditarimo di milis ko jo gadang hati,dan jo muko manih dek dunsana kasadonyo
sakian dari ambo wassalam |
Hanya pengguna yang terdaftar yang boleh menulis komentar.
Silahkan login atau daftar. Powered by AkoComment 2.0! |
|
Terakhir kali diperbaharui ( Rabu, 17 Mei 2006 )
|
|
 Pendengar: 2 dari 50 (2 Unik)
Peak: 25
Server Status: Online
Bitrate: 24 Kbps
Sedang Di putar: 07 LNGANG KAMPUANG
|
|
Yayasan Palanta Cimbuak |
Dari Awak, Oleh Awak, Untuak Kampuang
Nio berpartisipasi? Silakan klik disiko |
|
Donasi Terakhir |
| Dari | Jumlah | | Harmailis | Rp. 200.007,-- | | Ajo Duta / Mak Uncu | Rp. 1.000.000,-- | | Inyiak Jangkuang | Rp. 56.789,-- | | Dave, Melbourne | Rp. 300.000,-- | Balance Sementara
| Rp. 1.116.796,-- | |
|
Member |
 | Groups |
Online |
 | Anggota |
13 |
 | Tamu |
2 |
| Angoota |
7,173 |
| Statistik |
| Agg Baru |
anwal |
| Hari Ini |
6 |
| Minggu Ini |
95 |
| Bulan Ini |
406 |
| Tahun ini |
3,044 |
|
|
Online Sekarang |
|
Saat ini ada 2 pengunjung dan 13 anggota yang online |
|
User Terbaru |
anwalTerdaftar pada 2008-07-05 12:08:47
|
|
