Alam Roh (5)

Assalamu'alaikum.w.w.

Kemudian, urang-urang nan sibuk jo dunia ko nantik, akan diazab dek Allah swt. Di padang mahsyar, sarupo jo huru hara di hari kiamat.
Awak alun dapek kiamat lai, tapi cubo caliak ka kubua sajo. Kubua se cukuik. Cubo bayang-bayangkan urang mati tu. Tu mangko rajin-rajin mancaliak urang mati.Bukan mancaliak urang nan mati tu sabananyo, tapi caliak kematiannyo.

Dan awak kalau mati pasti tingga sorang. Kawan-kawan nan banyak ko macam-macam ado tingkatan.  Ado nan mancaliak awak wakatu di rumah sajo.  "Minta maaf ambo ado karajo"cek nyo, Ndak peduli kawannyo lah mati tu. Nyo tinggaan sajo pitih agak sangenek.  Padahal kawan areknyo nan mati tu, "ado rapek" cek nyo.
Ado nan manunggu sampai mandi, nyo caliak...., manitiak aia matonyo. Sudah tu, "minta maaf ambo, ambo ado urusan" keceknyo pulo.
Ado nan manunggu sampai dikafani. Sudah tu nyo pulang.
Ado nan manunggu sampai sumbayang, aa iko elok snek, manolong mandoakan
"Allahummagh fir lahu". Ampunkan.
Nan indak sumbayang mancaliak sajo, paliang banyak mambaco qulhuwallahu ahad, Mambaco yaasiin.
"Den mancaliak sajo bisanyo" cek nyo. Itu sababnyo awak dianjurkan, digalakkan, manyumbayangkan rami-rami, sakurang-kurang nyo 40 urang, dapek syafaat orang nan mati tu. 40 urang manyumbayangan, dengan syarat urang nan mati tu urang beramal.
Inyo beramal, disumbayangkan urang 40 urang, 40 urang mando'akan inyo. Mudah-mudahan Allah swt maampunkan dosonyo. Dalam 40 urang tu, agak sorang sajo nan makbul do'anyo kan lah cukuik. Nan paliang rancak anaknyo maimamkan sumbayang tu. Sudah tu macam kawan ko, ado lo kawan ko nan maanta sampai ka kubua, tapi baliak pulang juo nyo.
Ndak ado nan manunggu awak do. Jadi aratinyo ado peringkat-peringkatnyo, sampai nan maanta ka kubua, tapi pulang juo nyo tu. Tinggalah surang dalam kubua tu. Walaupun urang nan maanta maraso
agaknyo mudah-mudahan diampun Allah swt. doso.
Itu perasaan inyo. Urang nan dalam kubua nan manangguang.
Sabananyo awak kok maanta urang ka kubua, walaupun lah baliak pulang taraso risau juo, sadiah, dek nyo lah maningga. Tapi jarang nan bapikia baa kawannyo dalam kubua tu. Baa agaknyo ko lah. Baa nasibnyo dalam kubua tu. Urang lain lah pulang.
Kok nan padusi suami lah pulangnyo ndak ka manunggu nyo doh, Kok laki-laki bini pulangnyo, ndak tapikia deknyo lai doh.
Kalaupun bini manangih, bara lamo nyo ka manangih ?.
sabanta nyo tu. Suami apo lai, labiah sabanta lo lai.
"Sampai hati adinda meninggalkan kekanda", bara hari ?. Tigo hari sajo nyo tu, manitiak aia mato, tigo hari, hari nan ka ampek ?. kariang aia mato, aia liua lo manitiak lai…
Padusi takah itu lo, apo lai kok mudo juo lai, Itu mako padusi nan maningga suaminyo jan pai ka kubua.
Sabab urang ndak mancaliak nan mati tu lai do, mancaliak jando.
Nyo caliak dek urang, sudah tu nyo babisiak, "eh mudo juo lai ma".
Tu makonyo indak dianjurkan pai ka kubua.
Urang bado'a lain inyo lain, bado'a maaminkan, .... Aaamiin Aaamiiin,
tapi suduik mato bamain.  "Eh mudo juo lai". Bara lamo bini basadiah ?, tigo bulan sapuluah hari sajo. Sudah tu abis iddah, urang maminang inyo, "Buliah diak..?", …."Buliah…",  eehhh…. Awak nan dikubua ?.
Isteripun kawin.
Suami dalam kubua tau ndak isterinyo kawin ?.
Eh tau. Suami dalam kubua, sadiah nyo tu.
Bilo nyo tau ?.
Misal inyo lah maningga lamo, sudah tu ado urang sakampuang maningga pulo. Nyo caliak, "eh ko urang sakampuang gaya-gaya nyo ko".
"Eh awak urang kampuang ambo mah ?" ,"iyoo, sakampuang,.",
"urang rumah ambo baa kabanyo ", "Mmmh, lah kawin". Mangango lah awak.
Inyo tahu, urang di kubua tu tau. Tu mangko rang gaek-gaek awak dulu bakato, "Waang sumbayang lah lai, abak dalam kubua tu tahu tu", inyo tahu melalui urang nan mati sasudah tu.
Kito baliak baliak, jadi aratinyo, kalau kito baco hadits tu, Urang sibuk dunia ko, huru hara di hari kiamat, kubua tu kiamat nan ketek.
"Wal 'azabun syadid", azab labiah barek pulo.
"Wal hasathu thawiila" dan penyesalan yang berkepanjangan. Rancak awak manyasa kini, Sabananyo ukatu awak banyak, tapi indak dipagunokan sapanuah panuahnyo.
..basambuang..

Wassalam

Khairi Yusuf, St. Sinaro