Manang indak kamanarimo
Kalah indak kamambaie
Masuak tak ganok
Kalua tak ganjie
Masuak di talingo suok
Kalua di talingo kida

pai ampok pulang aban
Masuak hawo kalua angin
Masuak ampek kalua limo
Bak antimun bungkuak dalam karuang
Indak masuak dalam etongan

Bak mangandakkan cirik harimau
nan tagantuang diikuenyo
Mangandakkan tanduak ka kudo
Mangandakkan kuah ka pangek

Manyalang sanjato di paparangan
Mintak tolong di panyamunan
baraja dalam baparang
Pandeka dalam bamusuah

Managakkan sumpik indak barisi
Managakkan banang basah
Mambasuah muko jo aie liue
Mambasuah arang di kaniang

Kecek bak katiak ula
Kecek bunyi marandang kacang
Manggantang asok maukie langik
Maranangi lauik lapeh

Mabuak di angan-angan
Tak baban batu digaleh
Sarueh tabu dek ulek
Kasabatangannyo dibuang
Umue habih indak bajaso
Sio-sio utang tumbuah
Tuah dihajan cirik tapanca
Arang habih basi binaso
Minyak abih samba tak lamak
Kalah jadi abu
Manang jadi baro

Tabu satuntuang masuk garaman gajah
Manembak buruang jo mariam
Mancukie kuman jo alu
Mancari kutu dalam ijuak
Mancari jajak dalam aie
Bak manggantang anak ayam
Bak manyukek baluik hiduik
Bak mancari pinjaik dalam lunau

Mamakiak ka langik hijau
Nan hilang indak kabasuo
Abih minyak sapasu
Ikue anjiang indak kaluruih

Maandok di baliak lumbuang
Basambunyi tampak pungguang
Maandok di baliak ilalang salai

Bak balacan dikarek duo
Nan pai busuak
Nan tingga anyie

Lai ketek taranjo-ranjo
Lah gadang tabao-bao
Sampai tuo taubah indak
Sampai mati jadi parangai

Sabusuak-busuak dagiang
Dikunyah dimakan juo
Saharum-harum tulang
Dibuangkan sajo

Sarueh tabu dek ulek
Kasabatangannyo dibuangkan

Sumber : Buku Kato Pusako,

TrackBack URI for this entry

Comments (3)

Subscribe to this comment's feed

emirexie said:

	Ambo lahia jo gadang di rantau. Kok dapek buku-buku macam ko, tantu sanang bana ati ambo. Tolong moderator mampostingnyo di "segera di cimbuak!" macam buku Pak Makmur Hendrik tu. Mokasi.
	report abuse vote down vote up

August 24, 2006
Votes: +0

ashdiqai said:

	salah satu masalah nan tajadi di ranah minang kini adolah, kurangnyo di lestarikan budaya sastra lisan seperti petatah-pettitih! banyak anak mudo kini nan indak pandai saketek juo babaleh pantun bnatuak rang tuo-tuo kito, selamatlah buat cimbuak karano mancubo mamulai..
	report abuse vote down vote up

August 26, 2006
Votes: +0

iwan_s said:

	Pituah nan bantuak nagko iyo lah tibo di rantau baru takana nak mambaconyo
	report abuse vote down vote up

July 28, 2007
Votes: +0