Assalamu’alaykum w.w.

 Karano lah lamo indak sato di palanta
 Lah banyak kaji nan bakunyah
 Bialah samantaro indak sato maota
 Rancak barito sajo ambo baok katangah

 Iko lah kaba nan ambo sampaikan
 Tatuju kapado sasado dunsanak
 Karano alah baniaikkan
 Samalam suntuak kito ka Bagurau Lamak

 Patang jumaik malam satu
 Tanggal limo baleh bulan kini ko
 Nan ambo sipaik manunggu
 Mananti alek nan ka tibo

 “Bagurau Lamak Samalam Suntuak, manampilkan Saluang, dendang, Rabab, Pop, Gamad dan lain-lain, bagi nan datang sadapekno mambaok pena atau pituluk, karano wakatu mamintak lagu, ka ambo cubokan caro khusus, iyo jo mamakai pantun, Kok karatehno lai basadiokan

 Acara dimuloi sasudah sumbayang Isya (jam 19.00), sampai manjalang subuah, batampaik di lapangan RRI Bogor, Jalan Pangrango, No, 34 Bogor. sadangkan on air di udaro di RRI Bogor Frekuensi 1242 AM jo 93,75 FM dimuloi jam 20.00. (mungkin indak sampai subuah ba siarkan doh)

 Nan ka sato basaluang jo badendang sarato manyanyi antaro lain adolah : Group Densalo, Alkawi, Eti Ambo, Herman Koto Sari Alam, Rustam Raschani, Elsa, Ramadhan Ahmad Bagindo Rajo, Indra Jambak, Ujang Aslimar Koto, Silvy Razak,  Andi CD Macho. Tantuno banyak lain

 Sakiro itu kaba dari ambo, rilah jo maaf nan bamintak, jikok ado nan indak pado tampaikno

 Wassalamu’alaykum w.w.
 *Masyarakat Peduli Budaya Minangkabau



 Bandaro Labiah
 *MPBM lah ado saja limo tahun nan lalu,
 urang baru menyensengkan sarawa, nan kito lah disubarang