urang

nan

jo

alah

adaik

baa

ado

nangko

bataratik

ketek

pitih

Kileh baliak sejarah masayarakat Minang alah malalui proses jo kurun waktu nan panjang. Bahkan Masyarakat Minangkabau banyak mandapekkan pujian dari banyak pihak tantang baa mereka bamasyarakaik. Kito liek kumbali bagaimano sajarah dalam Tambo yang mengisahkan kacemburuan kerajaan Sriwijaya nan bakuaso pada wakatu itu kepada pola pamarentahan di Minangkabau. Dimano pado wakatu itu sampai-sampai Karajaan Sriwijaya mangirim utusan dari Tanah Jawo, yaitu rombongan dari karajaan Singosari untuak manyilau apo kaba nan barambuih wakatu nantun. Adapun kaba nan barambuih wakatu itu adolah bahwa masyarakat di suatu daerah nan banamo Ranah Minang alah mangganti hukum nan balaku dari hukum Tariak Baleh manjadi Tuan Nan Sakato. Inti dari pargantian hukum itu adolah mailangkan hukum nan babaleh, nyawo babaia nyawo atau hukuman mati, kapado hukum nan demokratis.

Romobongan Singosari ko maandokkan misi mereka jo bungkuih dagang kamudian sayembara untuak mangatahui ba bana kearifan urang di tanah minang nangko. Walhasil, mereka berhasil maliek dari dakek caro pamarentahan nan bijak jo santun di Tanah Minang. Indak pueh jo hasia nangko mereka ingin mauji jo maadokan sayembara nan diantaronyo disabuikkan ado adu kabau jo takok itiak. Lagi-lagi para pamimpin Minang waktu itu, Cati Bilang Pandai jo duo anaknyo Sutan Maharajo Basa jo Sutan Balun bisa mamanangkan sayembara sahinggo utusan dari Singosari berang. Mereka pulang jo hati kecewa dan baniaik mambaleh jo caro parang.

Kamudian, kutiko rombongan barikuiknya datang jo niaik untuk parang, kumbali pamimpin-pamimpin Minangkabau wakatu itu, maajak duduak baelok-elok mambicarokan apo masalah nan jadi ilah. Caro iko alah maubah panglimo musuah jadi minantu, yaitu Adityawarman nan balakangan manjdi Rajo di tanah Minang.    

Awak tinggakan sajarah lamo, kini ado sajarah baru. Baru-baru ko, samo-samo awak danga bahwa pawaris tahta Karajaan Pagruyuang malewakan gala salangsako adaik kapado Presiden Republik Indonesia Jenderal (Purn) Dr. Susilo Bambang Yudhoyono. peristiwa ko adolah peristiwa nan kaduo kalinyo masyarakat Minang mampicayokan amantnyo kapado urang dilua garis katurunan Minang.

Fakta iko maisyaraikkan bahwa masyarakaik awak adolah masyarakaik nan dewasa dalam mahadoki persoalan-persoalan nan timbua. Indak ado parsoalan nan tarlalu barek kalau dibicarokan basamo-samo. Hal iko juo manggambarkan bahwa masyarakat Minang mau mambarikan sesuatu yang pantiang sekalipun untuak kamajuan basamo. Nan paliang pantiang, kisah iko lah membuktikan bahwa masayarakat Minangkabau indak sajo pintar tapi juo bijak.

Barangkek dari kisah diateh, mako mungkin kajadian panartiban padagang di kota Bukit Tinggi nan tajadi babarapo wakatu nan lalu tidak semestinyo tajadi. Di tampek lain mungkin hal ko alah biaso tajadi. Tapi lain halnyo di Minangkabau. Di Minangkabau kita punyo adaik jo limbago nan mamayuangi sagalo bentuk kagiatan dalam masyarakat. Kita punyo Mamak nan bisa mangandalikan kamanakan-kamanakan. Kito punyo Lembaga Karapatan Adat nan bisa dijadikan tampek bamusyawarah jo baiyo.

Sahubungan jo permasalahan padagang kaki limo di kota Bukit Tinggi jo kota-kota lainnyo di Sumbar, saeloknyo disalasaikan jo caro-caro nan patuik. Tampuahlah jo caro musyawarah. Sebab padagang nan kabanyakan padagang ketek alah tabukti tangguah manupang perekonomian Indonesia diwakatu krisis babarapo tahun lalu. Mereka iko saharusnyo dibadayokan jo dibantu oleh pamarentah daerah, bukan sabaliaknyo. Mungkin mereka itu ado salahnyo bajualan ditampek-tampek nan dilarang, tapi sabagai pamarentah nan mamacik amanat rakyat juo harus introspeksi diri, sudahkah kito mambadayokan mereka sesuai jo tanggung jawab kito? Jadi awak indak buliah babana surang. Kalau dipasokan sarupo nan tajadi tu, itu namony awak babana ka diri surang. 

Kalau awak maliek kalua dari nagari awak, di nagara maju kini, urang sadang Angek-angeknyo mangambangkan caro-caro sarupo tu dimano dalam istilah mereka disabuik "Negotiation and Mediation". Caro ko mereka gunokan untuk menyalasaikan persoalan-persoalan jo konflik-konflik nan tajadi baiak dalam bisnis ataupun dalam rumah tanggo. Kenapa malah awak nan biaso manggunokan caro ko, mamiliah menerapkan caro "kekerasan"? Kenapa awak indak manggunokan limbago-limbago adaik nan ado. Kita musyawarahkan caro terbaiak untuk jalan kaluanyo. Niscaya, masyarakaik nan makmur jo sejahtera dapek awak gapai salangkah demim salangkah.

TrackBack URI for this entry

Comments (4)

Subscribe to this comment's feed

tingkalak said:

Ambo setuju juo jo pandapek Bakap Mirzal, supayo sebaiknyo dalam menggusur PKL itu dengan caro nan patuik atau musyawarah.. namun kito harus bisa juo memahami posisi pamerentah dalam hal iko, karano kabanyo memang sulik maurus PKL tu, karano ambo yakin sabalun manggusurtu alah ado pemberitahun terlebih dahulu..Namun yang harus awak caliak juo kiniko apokoh bajualan di tapi jalantu bisa dikatokan "Patuik", batua para pkl tu mancari biaya makan anak bini, biaya sekola dll, cuma apo manggaleh di PKL itu ndak mengurangi hak urang lain seperti pajalan kaki dsb.. Manuruik ambo sabalun manggusur pamerentah harus manyadiokan tampek manggaleh nan layak untuak sanak2 kito tu, kalau alah disadiokan tampek nan layak (bisa galeh mereka laku), indak juo pkl namuah, ndak baa caro kareh saketek do..

report abuse vote down vote up

October 01, 2006
Votes: +0

Abak said:

Mancaliak permasalahan dari tulisan di ateh, maka ambo bapikiran, bahwasanya apo nan dilakukan dek pemerintahan dalam manggusur PK5 adolah batu. Sabab pamarintahan awak tu alah ado aturan nyo tersendiri. Nah kambali kapado awak barado diranah minang, itu indak pantas dilakakukan? betul itu, tapi cubo inok-inok-an nan dilakukan dek urang awak, dengan bijaksananyo, malanggar pituah urang tuo-tuo daulu : Baparak kaparak urang Indak buliah mananam tabu bamamak ka mamak urang "kini" di pakai untuak mangadu.... Nah lah tantu nan salasai di pakusuiknyo, nan janiah no pakaruah, sudah tun no tingga manangguak ikan se lai.... Cuma masyarakat awak nan indak paham....

report abuse vote down vote up

October 04, 2006
Votes: +0

junaldi_317 said:

Permasalahan antaro Pamarintah jo PKL ko bukannyo barang baru lai, apo lagi kalau lah manyangkuik masalah tertib mantertib an. Memang kalau kito caliak sapinteh sajo nampaknyo iyo kejam kalau hal itu bisa tajadi di nagari awak,tapi nan namonyo pamarintah manuruik ambo adolah urang2 nan alah kito piliah kito picayo untuak ma atur nagari kito, mako lah sapatuiknyolah kito turuikan, kito karajokan apo paraturan paraturan nan alah baliau ko garih kan, sabab untuak mangatur ciek nagari ambo yakin itu bukannyo hal yang mudah bantuak mambaliakkan talapak tangan. Banyak faktor2 nan jadi partimbangan.Ambo sasuai jo Angku tingkalak

report abuse vote down vote up

October 04, 2006
Votes: +0

Mirzal said:

Ambo sangaik maharagoi komentar2 di ateh dan komentar2 itu bana adonyo. Sarupo nan dikatokan di komentar diateh bahwa mauruih masyarakat tu sulik jo rumik, mako awak harus sabar dalam manyalasaikannyo. Ambiak jalan nan mauntungkan duo balah pihak, “jalan tangah.”. Ambo manyadari suliknyo mauruih masyarakaik. Ambo alah marasokan hal itu salamo bakarajo 8 Tahun di Departemen Dalam Negeri. Kinipun ambo sadang mandalami ilmu Pemberdayaan Masayarakat Di La Trobe University Australia. Ado partimbangan lain sebagai berikuik: - Partamo, dalam konsep kapamimpinan, sasalah-salah masyarakaik, labiah dulu salah pamimpinnyo. sobok pamimpin punyo kuaso jo untuak mangatur jo mansejahterakan masyarakaik. Jadi harus diingek “bukan sajo untuak mangatur” tapi nan paliang pantiang “untuak mansejahterakan”. Mansejahterakan siapo? Tantunyo mansejahterakan nan indak sejahtera sarupo PKL ko, kamudian maningkaikkan kesejahteraan nan alah sejahtera, sarupo nan ingin manikmati kanyamanan balalu lalang dijalan kota tadi. - Nan Kaduo, bakaitan jo wewenang nan awak agiahkan ka Pamarentah paralu diikuti jo kamampuan aparat pamarentah itu sendiri untuak malaksanakan wewenang jo amanat tu. Kamampuan untuak mambari lapangan karajo nan cukuik, mambangunan infra struktur nan mamadai. Alahkah awak mambarikan pelayanan sasuai jo nan dimukasuik dek undang-undang? bukan sasuai jo undang-undang nan dibuik surang dek pemerintah daerah. Kito jangan lupo kanapo banyak pejabat jo anggota DPR nan pensiun dalam pinjaro. Indak lain indak bukan adolah karano kabijakan atau aturan nan inyo buek malanggar aturan nan labiah tinggi. Dalam hal PKL iko, apokah memang pamarentah awak babuek sesuatu untuak manciptakan kondisi agar mereka ko selalu taat aturan. “Masalah makan anak bini indak bisa diukua jo masalah kanyamanan urang bajalan”. Awak hanyo bias maukua sarupo ko kalau nan mangalami sampik iduik adolah urang lain. Tapi kalau sampik iduik manimpo diri awak, mako awak indak akan bisa manyalahkan sarupo itu. Jadi dalam hal iko awak saeloknyo manilai dari duo sisi. Awak bayangkan, baa kalau sakironyo awak nan jadi urang nan indak punyo pilihan lain salain manggaleh di badan jalan. - Nan katigo, sabagai pamarentah, awak indak "konsisten" dalam mengawasi. saharusnyo mereka ditaratikkan sajak hari partamo inyo manggaleh. Kalau iko dilakukan, mako indak akan diikuki dek PKL lain untuak bajualan. - Terakhir, Pamarentah tu khalifah dalam kaitan jo pambangunan, ingek itu. Khalofah tu harus punyo sipaik sarupo Nabi kito Muhammad SAW; BANA, MANYAMPAIKAN (informasi jo ilmu, tamasuak ilmu mancari pitih nan indak malanggar UU), AMANAH (bisa dipicayo), FATHANAH/CERDAS (Tau baa seni mayuruah masyarakaik PKL indak bajualan di tampek nan dilarang)

report abuse vote down vote up

October 07, 2006
Votes: +0