Assalamu’alaikum Warah matullahi Wabarakatuh
Sambah jo salam ka saisi alam Minangkabau, saudaro pandanga dan di kampuang dan nan di rantau, jo cadiak pandai nan di parak nan di pasa sarato niniak mamak dan pangulu di nagari, pendeknyo indak basabuik babilang baimbauan, sahingga indak di sabuik babilang tuan baimbau gala indak baatok bakirim salam kasadonyo.
Mano sagalo niniak mamak nan gadang basa nan batuah, kok salah maaf nan dimintak ambo cadiak pandai kok ilmu dari Tuhan.

Alhamdulillah sajak babarapo lamo manghilang baru kini mancogok basobok jo para dunsanak pandanga sadonyo, kami sampaikan satu topik caramah agama nan bajudul “Syarak Mangato Adat Mamakai” dengan tema “Membina Sumber Daya Maysarakat minangkabau Manuju Mayasrakat yang  Islami” mudah-mudahan sarantiang kayu yang kami serak bamanfaat bagi gejolak reformasi nan bagelora di abad nan ka 21 di masyarakat Minangkabau, Insya Allah.

Sidang Saudara pandanga nan babahagia kalau kito namuah jujur dalam pajalanan sajarah minangkabau dalam pambentukan karakter sosial budaya urang Minang bahkan sampai pada suatu kasimpulan bahwa dua ajaran Adat dan Islam telah berhasil menciptakan bingkai kehidupan yang basinyawa manjadi kehidupan nan kokoh, batiang kapado daya nalar manusianyo yang bakambang sasuai kondisi zaman nan baredar sasuai dengan sunatullah. Cukuik sudah padoman ka sosial ekonomi, manata pemerintahan yang stabil, manjaga kahidupan nan sopan pamarataan, kemakmuran dalam keadilan dan keadilan dalam kemakmuran.
 
Permasalahannyo kini mampukah kito manterjamahkan kamudian manerapkannyo disatiap sektor kahidupan maso kini, itulah nan disabuik satu pantun mangungkapkan “Syarak alah ado adat pun iyo tingga kito mamakaikannyo”. 

bersambung

Disadur dari kaset "Syarak Mangato Adat Mamakai" karya Yus Dt. Parpatiah

Hanya pengguna yang terdaftar yang boleh menulis komentar.
Silahkan login atau daftar.

Powered by AkoComment 2.0!