Permasalahanhyo kini mampukah kito manterjamahkan kamudian manerapkannyo disatiap sektor kahidupan maso kini, itulah nan disabuik satu pantun mangungkapkan “Syarak alah ado adat pun iyo tingga kito mamakaikannyo”.
Dunsanak nan saya muliakan manuruik panuturan  para ahli sajarah Islam masuk ka Ranah Minang kiro-kiro 800 tahun nan lalu, sabalum itu tataran kahidupan urang Minangkabau lah rapi jo tatanan paraturan nan alah ado dalam panguasaan pangulu dan niniak mamak dan parngkat-parangkatnyo.

Walaupun bukan dalam suatu koordinasi suatu karajaan tapi marupokan nagari-nagari kecil nan badaulat yang manyusun masyarakatnyo sandiri dalam demokrasi Minangkabau, sabalum Islam singgah dan masuk ka Minangkabau banyak paham masuk yang di bao oleh panjalajah bangso cino dan india yang diajakan dan diperkenalkan manyusup Budha dengan babarapo mashabnyo dan Hindu, sasuai dengan pambawaan urang Minang nan hati-hati dalam manarimosatiok pabaharuan malah cenderung bersifat sinis dan curiga, nampaknyo walaupun kaduo ajaran itu ditarimo tapi ajaran Hindu  jo Budha dilakukkan saparo hati.

Bak mangganggam baro di tangan mangacak anak anjiang sahinggo satalah datangnyo Islam paham paham Hindu dan Budha hilang  bak aia jatuah ka pasia, sampai kini indak ditamui satu pun baleh-bakeh tampek pamujaan samacam candi-candi, kuil atau pagoda di dalam kampuang mungkin hanyo namo tampek.

Yang ado yaitu biaro di Minang, namo Parayangan mungkin barasal dari Parahyanagan tampek badiamnyo para dewa-dewa dan Sungayang barati Sungsi Hyang  baitu juo halnyo di bidang keparcayaan indaklah banyak ditamui pandangan hihup yang babaun Hindusme dan Budhisme, hanyo budi nan bamakna moral yang barasal dari namo agama Budha nan majarkan ketinggian akhlak dan satu hal yang berasal dari kepercayaan agamo Hindu yaitu reinkarnasi (kalahiran nan kaduo sasudah mati), sampai kini masih tadanga adonyo kajadian yang manyatikan adonyo binatang jadi-jadian, urang jadi babi, jadi ula jadu harimau dan sabagainyo. 

Disadur dari Kaset "Syarak Mangato Adat Mamakai" Karya Yus Dt. Perpatiah 

TrackBack URI for this entry

Comments (2)

Subscribe to this comment's feed

ijot76 said:

	Bagi kito di nogori sembilan, bidalan yang digunokan adolah lobih kurang sama,contohnya, adat bosondikan syarak...apo-apo pasal adat selagi tak melanggar syarak akan di amalkan
	report abuse vote down vote up

May 17, 2007
Votes: +0

asep said:

	sasuai jo judul diateh, artinyo adolah agamo mamarintahkan, adat mangarajokan, pertanyaannyo sederhana sajo, bara persen parintah agamo tu nan dikarajokan sacara nyato dek masyarakat kito nan mangaku baradat ko, koreksi saketek untuk penulis, sebananyo istilah pandanga nan dipakai penulis indak tapek, nan tapek adolah netter, itu kalau lai satuju, salam.l
	report abuse vote down vote up

June 03, 2007
Votes: +0