Malah nan nampak mangkristal dalam kalangan maysarakat adolah siso siso kaparcayaan asli animisme saumpamo takhayul tantang kabaradaan arwah nenek moyang dan makhluk aluih, urang sibunian, silambai di batang kayu gadang, di mato-mato aia, di kuburan-kuburan lamo, di puncak gunuang dan di rimbo rayo urang picayo adao panghuninyo.

Sahinggo ditampek tampek urang pai katempek sarupo itu takuik, pendeknyo hilang tak berbekas, mati ayam mati lah tungau bak kabuik di timpo oleh angin, baitulah nasib agamo Hindi dan Budha di Minangkabau, itu sabalum Islam masuk ka Minangkabau, sasudah kadatangan Islam pernah juo diperkenalkan agamo kristen  nasrani nan di baok oleh zending-zending urang panjajah barat, urang Minangkabau menggeleang panjang, dan sahinggo walaupun sampai kini badiri gereja-gereja, kabaradoan gereja geraja di beberapa daerah Sumatera Barat itu hanyo di peruntukkan bagi warga asing yang bukan baragamo Islam  urang minang sabagai toleransi baragamo, namun palang Salib gagal mandobrak palang pintu Rumah Gadang, satu Realitas sejarah nan indak bisa di pungkiri.

Di pertangahan abad ka 20 patang paham komunise pun talacuik jadi tamu sakadar manjadi maminjam samangat paradikanyo dalam mancapai kamerdekaan dan dihalau satalah biduak sampai ka pulau, jajak dari kaparcayaan komunisme nan anti tuhan itu dikikih dari tanah Bundo nan mangginggiang parbuatan doso pambarontakan PKI pado tahun 65 sasudah kamardekaan, kini timbua suatu partanyaan, apo sabab sagalo kaparcayaan dan agamo yang masuk dan singgah di ranah Minang kecuali Agama Islam ditolak oleh urang Minangkabau, jawabannyo tak lain tak bukan sabab hanyo Islam salah satunyo ajaran nan punyo kasamaan pandangan jo filsafah adat budaya alam Minangkabau.

Kalau di kajai jo di analisa dalam pandangan Islam satidak-tidaknyo ado 4 faktor nan di kaji dalam manyamokan persepsi pandangan hidup sahinggo Islam mandapek tampek di Minangkabau, malah sasudah malalui proses pembauran ahkirnyo hukum-hukum syarak di latakkan pado posisi nan paliang tarhormat sabagai rujukan hukum adat.

Disadur dari Kaset "Syarak Mangato Adat Mamakai" Karya Yus Dt. Perpatiah 

TrackBack URI for this entry

Comments (2)

Subscribe to this comment's feed

Katikbatuah said:

Yo...indak ado lai nan patuik diucapkan salain dari pado batarimokasi jo basyukur atas dimueknyo tulisan Syarak Mangato Adat Mamakai di Cimbuak ko. Sabab ba a nan bak nantun, lah ditukiakkan pandangan dakek, dilayangkan pandangan jauh, yo raso ka indak mungkin lai awak mandapek pengetahuan suropo itu. Apo lai bagi kito-kito nan jauh di rantau. Untuk itu sakali lai ambo ucapkan tarimo kasih kapado Bp Dr.K.H. Suhemi nan alah basusah payah untuak manyajikan tulisan tu Katik Batuah

report abuse vote down vote up

June 12, 2007
Votes: +0

malin_paduko said:

Ambo dari dulu taragak mancaliak adaek basandikan sarak sarak basandikan kitabullah tu dipakaikan di ranah minang atau sarak mangato adaek mamakai, rancak bana kato-kato tu. tapi nan ambo paratikan kaum adaek jo kaum ulama ndak ado sabimbiang sajalan, katiko acara adek ndak ado ulamo nan mangecek, juo sebaiknyo pamegang adaek tu lah yang harus mendalami agamo, jadi kama pai ka-bar-adaek salau dikuik-i jo sarak nan mangawasi malin

report abuse vote down vote up

July 03, 2007
Votes: +0