|
 Si binguang  nan mancilok sabateh paruik nan sajangka tapi mancilok jo ujuang pena, urang maliang di kantua-kantua bisa hiduik tujuah turunan, negara nan ka nyo jua tagak, guru makan ka murid tarauang-rauang urang gaek, niniak mamak mamalak kamanakan , angku doktor mancakiak pasien, hakim manjua undang-undang itu fenomena nan acok basuo ulah dek cadiak indak babudi.
Kadang-kadang ado nan cadiak, mambuang gapuak kawan nan balamak, inyo sajo nan cadiak nan santiang nan pandai, urang lain pandia sabaliak. Ado jua cadiak nan indak bisa dituruikkan, kok bakato bana indak makan bandiang nan luruih, indak ka babelok nyampang kok di pangulu kabau gadang tagak di pintu, tibo ba organisasi kok ketua bakato ciek kok polisi namonyo monopoli kok pamimpin namonyo diktator, itu istilah urang kini pantang di kritik tasingguang pantang kanai, di cacek tagang bariahnyo, kok di puji kambang hiduangnyo. Itulah krisis akhlak manimpo urang cadiak
Kini urang bagak indak babudi baa pulo, karajonyo kaharak mahantam, kahilia mamerah mato, kok kamudiak langan baju disenseangkanyo, salah bana di tinju buliah. Urang bagak paralu kajadi paga, tapi bagak indak babana, sinan paga makan tanaman, bak urang gilo baladiang tajam , mantang-mantang awak Pandeka handak ka manyipak urang kampuang, mantang-mantang bapisau tajam nak sagalonyo ka dirawiknyo, awak mamacik pistol hiduik manggadang manggaregak undang-undang jo hukumnyo dek baju saragam, beko kok tampuak indak bagatah lai giliran daun indak bamiang, bulu rogek kuku bakarek, paruah indak runciang lai disinan hutang babayaran.
Sakali lai budi adalah kompresor bagi emosi darah urang bagak-bagak, salero condong nan kalamak, batua mato condong ka nan elok iyo itu sunatullah. Sifatnyo manusiawi dan universal, awak elok baso katuju muluik maniah kucindam murah pamenan mato urang nan banyak, alun senggeang urang lah galak tutua nyo buluah parindu. Itu urang nan rancak babudi aluih.
Tapi kok gagah bana lah awak rawuik elok roman manggilo kok lenggok sapiriang sawah, mantiaknyo Allahu rabbi tapi sombong lupo diri, mako sabalah mato, indak ka dipandang urang malengah ka suok jo kida. Sabab nyo tau jo rancak bak alang-alang lamah ba bingkai maukia-ukia di ateh langit, manari di awang-awang, kawek marantang ka pucuak karambia nak nyo rawiknyo, taseso alang ka bakuliliang, rusak rumah tanggo urang dek pilakunyo, rando jo gadih di kijoknyo mambuek cilako di nagari urang. Disadur dari Kaset "Syarak Mangato Adat Mamakai" Karya Yus Dt. Perpatiah |
1. Syara' mangato adat mamakai
Ditulis oleh Adventurer pada Jumat, 13 Juli 2007
Syarak mangato adat mamakai, itulah yang selalu kita dengungkan sebagai orang minang dan selalu bangga dengan kalimat tersebut. tapi dalam kehidupan sehari-hari sepertinya itu hanya sebuah semboyan dan banyak masyarakat kita orang minang tak lagi menerapkan kalimat tersebut dalam kehidupan sehari-hari. Barangkali kita banyak yang lupa atau memang tak pernah tahu sama sekali bahwa syara' mangato adat mamakai yang bersumber dari Adat Basandi Syara', Syara' basandi Kitabullah itu bukanlah sembarang falsafah. Melainkan adalah falsafah yang didapat dari hasil musyawarah yang sebelumnya ditebus dengan pertumpahan darah dan menghilangkan banyak nyawa "PERANG PADRI". |
Hanya pengguna yang terdaftar yang boleh menulis komentar.
Silahkan login atau daftar. Powered by AkoComment 2.0! |
