(Dialek Minang)

Di dunia ado duo macamnyo :
Partamo sifat Kabancian
Kaduo sifat Kasayangan

Adopun sifat Kabancian :
 Elok baso tak katuju 
 Baiak budi tak manantu 
 Gadang sendok tak mambao 
 Gadang suok tak manganyang 
 Gadang antak indak lalu 
 Elok tungjuih indak barisi 
 Gadang agak tak manyampai 
 Gadang galogok tak bamalu 
 Kareh latuih tak barasok 
 Gadang dantam apopun tidak.

Adopun sifat Kasayangan : 
 Pandai manyamokan manusia 
 Tak balabiah tak bakurang
 Pandai mamaliharo hati urang 
 Pandai maharagokan samo kawan 
 Pandai marandahkan hati 
 Muluik manih basopun baiak 
 Pandai maagak maagiahkan 
 Dibaliak-baliak mako dibalah 
 Pandai baliku di nan tarang 
 Pandai balinduang di nan paneh 
 Pandai mahambiak patangahan 
 Sarato adab jo hormat 
 Baiak parangai jo duduak tagak 
 Bia makan ataupun minum 
 Anggota nan tujuah dipasangkan 
 Suko manjujuang titah rajo 
 Kasiah kapado adat jo ugamo 
 Manuruik sapanjang Kitab Allah 
 Samparono iman jo Islamnyo 
 Malangkapi syarat jo rukun
 Bagai dalam lautan gadang 
 Tidak lain tidak bukan 
 Mukasuik iman pado Allah

   --- o O o ---

Sumber :  BSP No. 14 April 1986

TrackBack URI for this entry

Comments (0)

Subscribe to this comment's feed